యాక్షన్, అడ్వెంచర్, థ్రిల్లర్, ఫాంటసీ జోనర్ లో తెరకెక్కిన 'మిరాయ్'(Mirai)నిన్నవరల్డ్ వైడ్ గా ప్రేక్షకుల ముందుకు వచ్చింది. రెగ్యులర్ చిత్రాలకి భిన్నంగా ప్రస్తుత కాలానికి, మన పురాణ ఇతిహాసాల్ని ముడిపెడుతు 'మిరాయ్' తెరకెక్కింది. నటీనటుల పెర్ఫార్మెన్స్ తో పాటు, 24 క్రాఫ్ట్స్ పనితనం మెస్మరైజ్ చెయ్యడంతో, ఒక కొత్త అనుభూతిని పొందుతున్నామనే అభిప్రాయాన్ని ప్రేక్షకులు వ్యక్తం చేస్తున్నారు. ఎక్కువ శాతం రివ్యూలు కూడా పాజిటివ్ గానే వస్తున్నాయి. దీంతో 'మిరాయ్' భారీ కలెక్షన్స్ ని రాబడుతుందనే వ్యాఖ్యలు సినీ ట్రేడ్ సర్కిల్స్ లో వినిపిస్తున్నాయి.

ఈ ప్రభావం 'లిటిల్ హార్ట్స్'(Little Hearts)పై పడే అవకాశం ఉందనే చర్చ కూడా సినీ సర్కిల్స్ లో జరుగుతుంది. లిటిల్ హార్ట్స్ చిన్న చిత్రంగా విడుదలై మౌత్ టాక్ తో రోజు రోజుకి మంచి కలెక్షన్స్ ని రాబడుతుంది. ఇందుకు ఆ చిత్రం తొలి రోజు నుంచి సాధిస్తున్న కలెక్షన్స్ లే ఉదాహరణ. ప్రేక్షకుల సంఖ్య పెరుగుతుండటంతో చాలా ఏరియాల్లో థియేటర్స్ సంఖ్య కూడా పెంచారు. దీంతో ఎవరి ఊహలకి అందుకొని విధంగా రికార్డు కలెక్షన్స్ సాధించే అవకాశం ఉందని అందరు భావించారు. కానీ ఇప్పుడు 'మిరాయ్' థియేటర్స్ లో అడుగుపెట్టింది. మౌత్ టాక్ పాజిటివ్ వస్తుండంతో ప్రేక్షకులు థియేటర్స్ కి పోటెత్తుతున్నారు. ప్రేక్షకుల డిమాండ్ తో ఈ రోజు నుంచి ఐదు షో లు కూడా ప్రదర్శిస్తున్నారు.

అందుకు తగ్గట్టే ఆన్ లైన్ బుకింగ్ కూడా చాలా ఏరియాల్లో ఫుల్ అయ్యాయి. వీకండ్ కావడంతో ప్రేక్షకులు లిటిల్ హార్ట్స్ కి వెళ్లే వాళ్ళని, ఇప్పుడు 'మిరాయ్' ప్రేక్షకుల ముందు కనపడుతుందనే మాటలు ట్రేడ్ సర్కిల్స్ లో వినిపిస్తున్నాయి. దీంతో లిటిల్ హార్ట్స్ కలెక్షన్స్ తగ్గే అవకాశం ఉందని అంటున్నారు.