English | Telugu
మరో ప్రాజెక్ట్ నుంచి హీరో రవితేజ డ్రాప్..?
Updated : May 2, 2016
మాస్ మహరాజ్ రవితేజకు టైం పెద్దగా కలిసిరావడం లేదు. కిక్ 2, బెంగాల్ టైగర్ లు బాక్సాఫీస్ దగ్గర సందడి చేయలేకపోయాయి. ఒక పక్క దిల్ రాజు తో ఎవడో ఒకడు క్యాన్సిల్ చేసుకోవడం, కొత్త డైరెక్టర్ చక్రితో సినిమా పట్టాలెక్కుతుందో లేదో తెలియని పరిస్థితి. తాజాగా మరో ప్రాజెక్ట్ నుంచి రవి డ్రాప్ అయ్యాడని వార్తలు వస్తున్నాయి. తమిళ సినిమా కణితన్ రీమేక్ కోసం నిర్మాతను సంప్రదించారు నిర్మాతలు. కానీ రెమ్యునరేషన్ దగ్గర తేడా వచ్చి, ప్రొడ్యూసర్లు వెనక్కి వెళ్లిపోయారట. దిల్ రాజు సినిమా కూడా రెమ్యునరేషన్ గురించే క్యాన్సిల్ అయిందని వార్తలు వచ్చిన సంగతి తెలిసిందే. రవితేజ మార్కెట్ ప్రకారం, ఆయనకు నిర్మాతలు నాలుగు కోట్లు ఇద్దామనుకుంటున్నారట. కానీ రవి మాత్రం తన తోటి స్టార్ హీరోలతో పాటు 8 కోట్లు డిమాండ్ చేస్తున్న కారణంగానే నిర్మాతలు వెనకడుగు వేస్తున్నారని ఫిల్మ్ నగర్ వర్గాలంటున్నాయి. 8 కోట్లతో రామ్ చరణ్ లేదా ఎన్టీఆర్ లాంటి యాభై కోట్ల కెపాసిటీ హీరోలతోనే చేయచ్చు కదా అనేది నిర్మాతల అభిప్రాయంగా కనిపిస్తోంది. నిర్మాతల హీరోగా పేరు పడ్డ రవితేజకు ఇప్పుడు నిర్మాతలతోనే భేదాలు రావడం విచిత్రం.