English | Telugu
16 ఏళ్ల తరువాత మహేష్ మరో ప్రయత్నం
Updated : Jun 6, 2015
1 నేనొక్కడినే, ఆగడు.. ఇలా రెండు వరుస పరాజయాల తరువాత ప్రిన్స్ మహేష్ బాబు నటిస్తున్న చిత్రం శ్రీమంతుడు. మిర్చి వంటి ఘన విజయం సాధించిన సినిమాతో దర్శకుడుగా తొలి అడుగులు వేసిన కొరటాల శివ ఈ మూవీకి దర్శకత్వం వహిస్తున్నారు. శ్రుతి హాసన్ హీరోయిన్గా నటిస్తున్న ఈ సినిమా జులై 17న విడుదలకు ముస్తాబయింది. విశేషమేమిటంటే.. 16 ఏళ్ల తరువాత మహేష్బాబు హీరోగా నటించిన ఓ సినిమా జులై నెలలో రావడం మళ్లీ శ్రీమంతుడు విషయంలోనే. అప్పుడెప్పుడో మహేష్ హీరోగా పరిచయమైన రాజకుమారుడు చిత్రం జులై నెలలో విడుదలైతే.. ఇప్పుడు మళ్లీ శ్రీమంతుడు అదే నెలలో రాబోతోంది. రాజకుమారుడు సక్సెస్ అయిన నేపథ్యంలో.. శ్రీమంతుడు కూడా అదే సెంటిమెంట్ని ఫాలో అయి హిట్ లిస్ట్లో చేరుతుందేమో చూడాలంటున్నాయి టాలీవుడ్ వర్గాలు.