English | Telugu
పెళ్లి పీటలెక్కబోతున్న మహేష్ బాబు హీరోయిన్..!
Updated : Mar 31, 2016
చూడబోతే, ఈ ఏడాదంతా బాలీవుడ్ ముదురు భామలకు పెళ్లిళ్ల యోగం పట్టినట్టుంది. మొన్ననే ప్రీతిజింతా పెళ్లి చేసుకుని వైవాహిక జీవితంలోకి అడుగుపెడితే, లేటెస్ట్ గా ఈ లిస్ట్ లోకి మహేష్ హీరోయిన్ చేరింది. మహేష్ బాబుతో టక్కరిదొంగలో చిందేసిన బిపాషాబసు ఆ తర్వాత బాలీవుడ్ లో ట్రై చేసి మంచి పబ్లిసిటీ, పేరు తెచ్చుకున్నా హిట్స్ మాత్రం కొట్టలేకపోయింది. ప్రస్తుతం సరైన సినిమాలు లేక ఫిట్ నెస్, యోగాసనాల వీడియోలు చేస్తున్న ఈ భామ, నటుడు కరణ్ సింగ్ గ్రోవర్ తో ప్రేమలో పడింది. అంతకు ముందు జాన్ అబ్రహాంతో చాలా డీప్ గా లవ్ స్టోరీ నడిపినప్పటికీ, అది ఫెయిల్యూర్ గా మిగిలిపోవడంతో చాలా కాలం పాటు, నాకు ప్రేమ వద్దూ, పెళ్లి వద్దు అంటూ కబుర్లు చెప్పిన బిప్స్, ఆ తర్వాత కరణ్ గ్రోవర్ కు ఫ్లాట్ అయిపోయింది. బిప్స్ కూడా లవ్ ఫెయిల్యూర్ తో రేఖ, సుస్మితాసేన్ లలా సింగిల్ గా ఉండిపోతుందేమోనని జాలిపడ్డ బాలీవుడ్, ఆమె పెళ్లి న్యూస్ విని రిలీవ్ అవుతోంది. ఏప్రిల్ 28న ముంబైలోని ఒక స్టార్ హోటల్లో మెహందీ ఫంక్షన్ జరుగుతుంది. ఏప్రిల్ 30న ముంబైలోని ఆమె ఇంటిలో పెళ్లి జరగబోతోంది. మెహందీకి అత్యంత సన్నిహితుల్ని మాత్రమే ఆహ్వానించిన బిపాషా, పెళ్లికి బాలీవుడ్ మొత్తాన్ని ఆహ్వానించింది. పెళ్లి తంతు మొత్తం బెంగాలీ పద్ధతిలో జరపబోతున్నారని సమాచారం.