- కాంతార చాప్టర్ 1 కి ఆ ఏరియాలో నష్టాలు
- కాంతార ఓటిటి డేట్ ఇదే
- కాంతార రికార్డు కలెక్షన్స్

పాన్ ఇండియా సిల్వర్ స్క్రీన్ వద్ద ఒక మూవీ సూపర్ డూపర్ హిట్ అయ్యింది. కలెక్షన్స్ పరంగా కూడా ఇప్పటి వరకు 850 కోట్ల గ్రాస్ ని పైగా సాధించింది. పైగా థియేటర్స్ లోకి అడుగుపెట్టిన నాలుగు వారాలకే ఆ స్థాయి కలెక్షన్స్. దీన్ని బట్టి సదరు మూవీకి ప్రేక్షకాదరణ ఏ స్థాయిలో లభించిందో అర్ధం చేసుకోవచ్చు. మరి సదరు చిత్రాన్ని డిస్ట్రిబ్యూట్ చేసిన వాళ్ళకి లాభాలు ఎంతగానో వచ్చి ఉంటాయి కదా! కానీ లాస్ వచ్చిందంటే ఎవరైనా నమ్ముతారా! నమ్మడం అటుంచి ఈ న్యూస్ పై సోషల్ మీడియా వేదికగా ఒక రేంజ్ లో ట్రోల్స్ వచ్చినా ఆశ్చర్య పడాల్సిన పని లేదు.

కానీ ఎవరు నమ్మశక్యం కానీ విధంగా సూపర్ హిట్ మూవీ తన డిస్ట్రిబ్యూటర్స్ కి లాస్ ని అందించింది. ఆ చిత్రం కాంతార చాప్టర్ 1(Kantara Chapter 1). అవును ఇది నిజం. పాన్ ఇండియా వ్యాప్తంగా కలెక్షన్ ల సునామీని సృష్టించిన చాప్టర్ 1 ఓవర్సీస్‌లో 5 మిలియన్ల దగ్గర ఆగిపోయింది. రికార్డు ధరకి ఓవర్ సీస్ హక్కులని డ్రీమ్స్ స్క్రీన్స్ ఇంటర్నేషనల్, 4 సీజన్స్ క్రి యేషన్స్ తో కలిసి మరో రెండు సంస్థలు హక్కులని పొందటం జరిగింది. నార్త్ అమెరికాలో 7 మిలియన్ డాలర్లకి పైగా కలెక్ట్ చేస్తే బ్రేక్ ఈవెన్ అయ్యేది. కానీ 5 మిలియన్ల దగ్గరే ఆగిపోయింది. ప్రీమియర్స్ కి ఆశించిన స్పందన లేకపోవడంతో పాటు తొలి వీకెండ్లో కూడా నామ మాత్రపు వసూళ్లే వచ్చాయి. అదే చాప్టర్ 1 కి ఓవర్ సీస్ లో మైనస్ గా నిలిచింది. మరి ఈ నెల 31 న వరల్డ్ వైడ్ గా ఇంగ్లీష్ డబ్బింగ్ వెర్షన్ రిలీజ్ కానుండటంతో కలెక్షన్స్ పరంగా ఏమైనా మార్పు వస్తుందేమో చూడాలి.

Also Read :సల్మాన్ ఖాన్ కి షాక్ ఇచ్చిన పవన్ కళ్యాణ్!..పాన్ ఇండియా ప్రాజెక్ట్ పవన్ వద్దకు

ఇక కాంతార చాప్టర్ 1బాక్స్ ఆఫీస్ వద్ద కొనసాగిస్తున్న తన దూకుడికి వెయ్యి కోట్ల మార్కుని అందుకోవడం ఖాయమని అందరు భావించారు. కానీ ఈ నెల 31 న ప్రైమ్ వీడియో వేదికగా ఓటిటి ద్వారా విడుదల కానుంది. దీంతో 850 కోట్ల దగ్గర ఆగిపోయే ఛాన్స్ ఉంది. కాకపోతే ఓవరాల్‌గా 2025 వ సంవత్సరంలో ఇప్పటి వరకు ఇండియన్ హయెస్ట్ గ్రాసర్‌ ని సాధించిన మూవీగా నిలిచింది. ఈ రికార్డు ఈ ఇయర్ కాంతార చాప్టర్ 1 పేరుపైనే ఉండే అవకాశం ఉంది. ఎందుకంటే పాన్ ఇండియా ప్రాజెక్ట్ ఏది కూడా సిల్వర్ స్క్రీన్ పై ఈ రెండు నెలల్లో విడుదల కావడం లేదు. ఈ ఏడాది ఫిబ్రవరిలో రిలీజైన 'ఛావా’ 807 కోట్ల రూపాయల దగ్గరే ఆగిపోయింది. భారతీయ చిత్ర పరిశ్రమలో ఇప్పటి వరకు హయ్యస్ట్ కలెక్షన్స్ సాధించిన 13 వ చిత్రంగా కూడా కాంతార చాప్టర్ 1 రికార్డు సృష్టించింది.