English | Telugu
రజనీ కబాలీ అయితే హృతిక్ కాబిల్..!
Updated : May 5, 2016
సూపర్ స్టార్ రజనీకాంత్ కబాలీ గా వస్తున్నాడనే సంగతి మనకి తెలుసు. తాజాగా బాలీవుడ్ స్టార్ హీరో హృతిక్ రోషన్ కాబిల్ అనే పేరుతో సినిమాను తెరకెక్కిస్తున్నాడు. హృతిక్, యామీ గౌతమ్ జంటగా నటిస్తున్న ఈ సినిమా ఫస్ట్ లుక్ ను ఈ రోజు తన ట్విట్టర్ లో రిలీజ్ చేశాడు హృతిక్. ఆయన తండ్రి రాకేష్ రోషన్ సినిమాకు నిర్మాతగా వ్యవహరిస్తుండగా, రాజేష్ రోషన్ సంగీతం అందిస్తున్నాడు. సినిమా షూటింగ్ మొదలైన రోజే, ఫస్ట్ లుక్ రిలీజ్ చేయడం కాబిల్ ప్రత్యేకత. ఫస్ట్ లుక్ ను పోస్ట్ చేస్తూ, నన్ను చూస్తున్న లక్షల కళ్లు నాకు చూపు లేకుండా చేశాయి. నిజానికి నేనే అన్నీ చూస్తున్నాను, మైండ్ లో ఉన్న కన్ను అన్నీ చూస్తూనే ఉంటుంది అని ట్వీట్ చేశాడు. కాబిల్ టైటిల్ కు మైండ్ సీస్ ఆల్ అనే ట్యాగ్ లైన్ నే ఫిక్స్ చేశారు. హృతిక్ ఫ్యాన్స్ లో ఈ ట్యాగ్ లైన్ ఆసక్తిని కలిగిస్తోంది. సినిమా ఏ జానర్లో తెరకెక్కుతుంది, అసలెలా ఉండబోతోంది అన్న ప్రశ్నలు కలిగించేలా ఫస్ట్ లుక్ ను, టైటిల్ ను డిజైన్ చేశారు. 2017 జనవరి 26 న కాబిల్ ప్రేక్షకుల ముందుకు రానుందని సమాచారం.