English | Telugu
దిల్ రాజు..మెగా హీరో..మూడో సినిమా
Updated : Jul 29, 2015
దిల్ రాజుకు మెగా హీరోతో దోస్తీ బాగానే కుదిరినట్టు వుంది. అందుకే అతనితో వరుస సినిమాలు చేస్తూ వేరే వాళ్ళకి ఛాన్స్ లేకుండా చేస్తున్నాడు. సాయిధరమ్ తేజతో 'పిల్లా నువ్వు లేని జీవితం' తీసిన దిల్ రాజు ఆ తరువాత హరీష్ శంకర్ దర్శకత్వంలో 'సుబ్రహ్మణ్యం ఫర్ సేల్' చిత్రాన్ని నిర్మించాడు. ఇప్పుడు సడన్ అతనితో మరో భారీ చిత్రాన్ని ప్రకటించి అందరిని ఆశ్చర్యపరిచాడు. ఈ ఏడాది ‘పటాస్’ వంటి చిత్రంతో తొలి సక్సెస్ అందుకున్న అనిల్ రావిపూడి దర్శకత్వంలో ఓ సినిమా రూపొందుతుంది.‘పటాస్’ చిత్రం కంటే ఈ సినిమాలో కామెడి రేంజ్ ఎక్కువగా ఉండేలా కథను సిద్ధం చేశాడట. సెప్టెంబర్ నుండి ఈ సినిమా చిత్రీకరణను ప్రారంభం చేస్తారట. రాశిఖన్నా ఈ చిత్రంలో హీరోయిన్ గా నటిస్తుంది. ఈ సినిమాని 2016 సమ్మర్ లో రిలీజ్ చేస్తారట.