దేవీ మ్యూజిక్ ఒక మ్యాజిక్. సాంగ్స్ రిలీజైన రోజే మంచి పేరు తెచ్చుకున్నాయంటే, అవి ఖచ్చితంగా దేవీశ్రీ పాటలే అయి ఉంటాయి. అంతలా ఆడియన్స్ నాడి పట్టేసుకున్నాడు. సినిమా ఫలితంతో సంబంధం లేకుండా, మ్యూజిక్ పరంగా హిట్ ఆల్బమ్ గా నిలవడం దేవీ పాటల ప్రత్యేకత. టాలీవుడ్, కోలీవుడ్ ఇండస్ట్రీల్లో టాప్ హీరోలందరికీ మ్యూజిక్ అందించాడు దేవీ. మెగాస్టార్ చిరంజీవికి ఇప్పటికే శంకర్ దాదా రెండు పార్ట్స్, అందరివాడు సినిమాల్లో మ్యూజిక్ ఇరగదీసేశాడు. బాలకృష్ణ సినిమాల్లో టాప్ ప్లేస్ లో ఉండే లెజండ్ కు కూడా దేవీయే మ్యూజిక్. తాజాగా వీళ్లిద్దరి సెన్సేషనల్ మూవీస్ కి దేవీ మ్యూజిక్ ఇవ్వబోతున్నాడనే టాక్ ఫిల్మ్ నగర్లో చక్కర్లు కొడుతోంది.

ఇప్పటికే చిరు స్వయంగా సర్దార్ ఆడియో ఫంక్షన్లో, నా నెక్స్ట్ ఫిల్మ్ కు మ్యూజిక్ ఇవ్వు అని దేవీతో పబ్లిగ్గానే చెప్పేశారు. మరో వైపు బాలయ్య క్రిష్ కాంబినేషన్లో వస్తున్న వందో సినిమాకు మ్యూజిక్ ఇచ్చే అవకాశం కూడా డిఎస్పీకి వచ్చినట్టే. క్రిష్ చేసిన ట్వీట్ ప్రకారం చూస్తే ఇద్దరూ కలిసి త్వరలోనే పనిచేయబోతున్నారని అర్ధమవుతోంది. త్వరలో క్రిష్ బాలయ్య వందో సినిమానే చేస్తున్నాడు. దీంతో ఇప్పుడు దేవీ రెండు ల్యాండ్ మార్క్ మూవీస్ కు డిఎస్పీ జాక్ పాట్ కొట్టేశాడు. ఏడాదికి మినిమం నాలుగు సినిమాలకు సంగీతం అందిస్తూ దూసుకుపోతున్నాడు దేవీ. ఈ ఏడాది నేను శైలజ, నాన్నకు ప్రేమతో, సర్దార్ గబ్బర్ సింగ్ పాటలతో ఇప్పటికే ఫుల్ స్వింగ్ లో ఉన్న దేవీ చిరు బాలయ్యలకు ఏ రేంజ్ మ్యూజిక్ ఇవ్వబోతున్నాడో చూడాలి మరి.