English | Telugu
మహేశ్ ఫ్యాన్స్ ని టెన్షన్ పెడుతున్న దేవిశ్రీ!
Updated : Jun 1, 2015
సినిమా వాళ్లని సెంటిమెంట్స్ వెంటాడుతున్నాయా? సినిమా విడుదలకు ముందే జాతకం చెబుతున్నాయా? హీరో-దర్శకనిర్మాతలకు సెంటిమెంట్స్ తలనొప్పిగా మారాయా? అవుననే అంటున్నారంతా. లేటెస్ట్ గా మహేశ్ బాబు శ్రీమంతుడిపై అప్పుడే ఓ నెగిటివ్ సెంటిమెంట్ హల్ చల్ చేస్తోంది. శ్రీమంతుడి టీజర్ చూసి మహేశ్ లుక్ బావుందని, బ్యాక్ గ్రౌండ్ మ్యూజిక్ సూపర్బ్ అని, కొరటాల శివ మరోసారి ఘాటుపుట్టిస్తాడని ఫ్యాన్స్ సంబరపడిపోతున్నారు. ఇన్ని ప్లస్ లు ఉన్నా.....దేవిశ్రీ ప్రసాద్..... శ్రీమంతుడికి మైనస్ అవుతాడేమో అనే భయం కూడా ఫ్యాన్స్ ని వెంటాడుతోందట. ఎందుకంటే మహేశ్ కి గతంలో తమన్ ఇచ్చిన ట్యూన్స్ బాగోపోయినా....సినిమాలు హిట్టయ్యాయి. అదే దేవిశ్రీ ట్యూన్స్ హిట్టైనా సినిమా ఫ్లాప్ అయింది. భారీ అంచనాలతో విడుదలై ఫ్లాప్ అయిన మహేశ్-సుకుమార్ వన్ చిత్రం ఇందుకు నిదర్శనం అంటున్నారు. మరోవైపు కొరటాల మిర్చికి దేవిశ్రీ మ్యూజిక్ ప్లస్ అయింది కదా అనేవాళ్లూ లేకపోలేదు. మరి ఏ సెంటిమెంట్ నిజమవుతుందో వెయిట్ అండ్ సీ.