English | Telugu
అల్లుడు శ్రీనుకి 10కోట్ల దెబ్బ..!
Updated : Aug 6, 2014
బెల్లంకొండ సురేష్ కొడుకు శ్రీనివాస్ హీరోగా పరిచయమైన సినిమా 'అల్లుడు శ్రీను'. ఈ సినిమాకి మొదటి వారంలో కలెక్షన్లు బాగానే వచ్చిన రెండోవారానికి వచ్చే సరికి బాగా నిరసించాయని ట్రేడ్ విశ్లేషకులు అంటున్నారు. అదికాక 'రన్ రాజా రన్' దెబ్బకి మెట్రో సెంటర్స్ లో ఈ సినిమా ఎత్తేయాల్సిన పరిస్థితి వచ్చిందని అంటున్నారు. 'బిసీ' సెంటర్లలో మాత్రం ఈ సినిమా కలెక్షన్లు ఇంకా తగ్గలేదని, కాకపోతే మరోవారంలో రిలీజ్ కాబోయే పెద్ద హీరోల సినిమాలతో పోటీ పడడం కష్టమే.కొడుకు సినిమా కావడంతో బెల్లంకొండ సురేష్ ఎక్కడా రాజీపడలేదట. ఈ చిత్రానికి దాదాపు 35కోట్ల రూపాయలు ఖర్చు చేశాడు. ప్రస్తుతానికి 15 కోట్లు మాత్రమే రాబట్టిన 'అల్లుడు శ్రీను' ఓవరాల్ గా అన్ని కలిపి ఓ 25 కోట్లతో ముగింపు పలుకుతాడని అంచనా వేస్తున్నారు. దీనిని బట్టి చూస్తే 'అల్లుడు శ్రీను'కి 10కోట్ల దెబ్బపడడం ఖాయమని తెలుస్తోంది.