బుల్లితెర మీద క్లిక్ ఐన ఆర్టిస్ట్స్, కమెడియన్స్ చాలామంది సిల్వర్ స్క్రీన్ మీద తమ అదృష్టాన్ని పరీక్షించుకుంటున్నారు. అలాంటి ఒక బుల్లితెర నటుడు అమరదీప్ చౌదరి. "జానకి కలగనలేదు" సీరియల్ లో రామాగా నటిస్తూ తెలుగు ఆడియన్స్ కి బాగా దగ్గరయ్యాడు. అదే బుల్లితెర మీదే నటించే తేజస్విని గౌడను రీసెంట్ గా  ప్రేమ వివాహం చేసుకున్నాడు. ఇప్పుడు అమరదీప్ సిల్వర్ స్క్రీన్ మీద తన అదృష్టాన్ని పరీక్షించుకుంటున్నారు. "అభిలాష" అనే నా ఫస్ట్ మూవీతో జూన్ 2 న వస్తున్నాను" అంటూ తన ఇన్స్టాగ్రామ్ పేజీలో పోస్ట్ చేసాడు. అమర్‌దీప్‌ హీరోగా, అశ్విని రెడ్డి హీరోయిన్‌గా ఈ సినిమాలో కనిపించబోతున్నారు.

అమరదీప్ ఇంతకు ముందు 'ఐరావతం' అనే మూవీలో నటించాడు. డిస్నీ ప్లస్ హాట్ స్టార్ ఓటీటీలో రిలీజ్ ఐన ఈ మూవీ మంచి వ్యూస్ ని అందుకుంది. 2016 లో షార్ట్ ఫిలింతో తన కెరీర్ ని  స్టార్ట్ చేసిన అమర్ " సూపర్ మచ్చి, రాజధాని లవ్ స్టోరీ" సహా కొన్ని  వెబ్ సిరీస్ లో నటించాడు.  "ఉయ్యాల జంపాల, సిరిసిరిమువ్వలు" సీరియల్స్ లలో కూడా నటించాడు.  అంతేకాదు వెండితెర మీద కొన్ని మూవీస్ లో కూడా సైడ్ ఆర్టిస్టుగా యాక్ట్ చేసాడు.  ఇక త్వరలో రాబోతున్న "అభిలాష" మూవీ మెసేజ్ ఓరియెంటెడ్ గా రాబోతోంది. అదే  చదువు వద్దన్న విలన్ కి హీరో ఎలా బుద్ది చెప్పాడు అనేదే స్టోరీ. ఈ మూవీ పోస్టర్ తన ఇన్స్టాగ్రామ్ పేజీ లో పోస్ట్ చేసేసరికి అమరదీప్ ఫాన్స్, నెటిజన్స్ అంతా విషెస్ చెప్తున్నారు. సీరియల్స్ లో మొదట్లో 25 వేలు పారితోషికం తీసుకున్న అమరదీప్ ఇప్పుడు 90 పైన తీసుకుంటున్నాడట. అలాగే మూవీస్ మీద ఎక్కువ కాన్సంట్రేషన్ చేస్తున్నట్లు చెప్పాడు. మరి ఈ మూవీలో అమరదీప్ నటన ఏ మేరకు రక్తి కట్టించాడు అనే విషయం తెలియాలంటే కొన్ని డేస్ వెయిట్ చేయాలి.