English | Telugu
మారుతి డైరెక్షన్లో.. చెర్రీ, బన్నీ
Updated : Nov 25, 2014
ఔను.. చిన్న చిత్రాల దర్శకుడు మారుతి.... ఇప్పుడో గొప్ప ఆఫర్ కొట్టేశారు. బన్నీ, చెర్రీలతో కలసి పనిచేస్తున్నాడు. కాకపోతే.. చిన్న కరెక్షన్. సినిమా కోసం కాదు. ఓ స్కిట్ కోసం. హుద్ హద్ తుపాను బాధితులను ఆదుకోవడానికి తెలుగు చలన చిత్రసీమ మేము సైతం అనే ఓ వినూత్న కార్యక్రమానికి శ్రీకారం చుట్టింది. ఈనెల 30న హైదరాబాద్లో ఏకంగా 12 గంటల పాటు టెలీ మారథాన్ రూపంలో ఈ కార్యక్రమాన్ని నిర్వహించబోతున్నారు. అగ్ర కథానాయకులు, నాయికలు, హాస్యనటులు, క్యారెక్టర్ ఆర్టిస్టులు ఇలా అందరూ ఏదో ఓ స్కిట్లో కనిపించబోతున్నారు. మెగా హీరోలు చరణ్, బన్నీలు కూడా ఓ స్కిట్ వేసి వినోదాలు పంచబోతున్నారు. ఈ స్కిట్కి సంబంధించిన రచన దర్శకత్వం మారుతి చూసుకొంటున్నారు. మరి మెగా ఫ్యామిలీ నుంచి వస్తున్న స్కిట్ ఎలా ఉంటుందో..?? ఈ స్కిట్ ద్వారా మారుతి తన టాలెంట్ని మెగా హీరోల దగ్గర ప్రూవ్ చేసుకోవాలనుకొంటున్నాడు. మరి ఏమవుతుందో చూడాలి.