English | Telugu
రకుల్ ప్రీత్ సింగ్ పొలిటికల్ ఎంట్రీ ఇవ్వనుందా?
Updated : Oct 8, 2015
యంగ్ హీరోల సరసన వరుస ఆఫర్లు కొట్టేస్తూ ఫల్ జోష్ మీద ఉంది హాట్ బ్యూటీ రకుల్ ప్రీత్ సింగ్. అయితే ఇప్పుడు ఈ భామ ఎమ్మెల్యేగా పొలిటికల్ ఎంట్రీ ఇవ్వబోతుంది. నిజంగానే రాజకీయాల్లోకి ఎంట్రీ ఇస్తుందనుకుంటున్నారా.. అలా అయితే తప్పులో కాలేసినట్టే. నిజ జీవితంలో పొలిటికల్ ఎంట్రీ కాదు.. సినిమాలో ఎమ్మెల్యేగా గా నటించనుంది. అసలు విషయం ఏంటంటే.. అల్లు అర్జున్, బోయపాటి శ్రీను దర్శకత్వంలో "సరైనోడు" సినిమా తెరకెక్కనున్న సంగతి తెలిసిందే. ఈ సినిమాలో హీరోయిన్ గా రకుల్ ప్రీత్ సింగ్ నటించనుంది. ఈ సినిమాలో రకుల్ ఓ నియోజక వర్గానికి ఎమ్మెల్యేగా పాత్ర పోషించనుంది. అయితే ఈ పాత్రకు తగ్గ వయసుకాకపోయినప్పటికీ.. ఈ పాత్ర చాలా ఛాలెంజింగ్ గా ఉండటంతో తనలోని అందంతో పాటు అభినయాన్ని చూపించుకోవడానికి ఆస్కారం ఉన్న క్యారెక్టర్ అని భావించి ఈ రోల్ ప్లే చేయడానికి రకుల్ ఒప్పుకున్నట్టు తెలుస్తోంది. కాగా ప్రస్తుతం రకుల్ చేతిలో భారీ ప్రాజెక్టులే ఉన్నాయి. ఇప్పటికే రాంచరణ్, రకుల్ నటించిన "బ్రూస్ లీ" చిత్రం ఈ నెలలోనే రిలీజ్ కు సిద్దమయింది. ఇంకా ఎన్టీఆర్ సరసన "నాన్నకు ప్రేమతో" సినిమాలో నటిస్తుంది. ఈ సినిమా కూడా వచ్చే ఏడాది సంక్రాంతికి విడుదల కానుంది. ఇప్పుడు అల్లు అర్జున్ తో "సరైనోడు" సినిమాలో నటిస్తుంది. ఇంకా చాలా ఆఫర్లు రకుల్ తలుపు తడుతున్నాయి. మొత్తానికి టాలీవుడ్ లో రకుల్ హవా నడుస్తుంది అని చెప్పడంలో ఎలాంటి డౌట్ లేదనిపిస్తుంది.