English | Telugu
సంతోష్ శ్రీనివాస్ తిక్కరేగితే రభస
Updated : Jul 16, 2014
రభస చిత్ర దర్శకుడు సంతోష్ శ్రీనివాస్ ఆ సినిమా ఇంకా పూర్తి కాకముందే తన నెక్స్ట్ ప్రాజెక్టు వివరాలు ప్రకటించారు. ‘తిక్కరేగితే' అనే టైటిల్ తో ఆ సినిమా రూపొందించనున్నారు. ప్రస్తుతం జూనియర్ ఎన్టీఆర్ తో రూపొందిస్తున్న చిత్రానికి మాస్ అపీల్ వున్న రభస టైటిల్ పెట్టిన సంతోష్ తన తర్వాత సినిమాకు కూడా అలాంటి టైటిలే ఖరారు చేయడంతో ఆ సినిమా కూడా కమర్షియల్ హంగులతో, మాస్ ఎంటర్టెయినర్ అవుతుందనే అభిప్రాయం కలుగుతుంది.
ఈ సినిమాలో హీరో, హీరోయిన్, నిర్మాత వంటి ఏ వివరాలు ఆయన ప్రకటించలేదు. ఈ ప్రాజెక్టు గురించిన చర్చలు జరుగుతున్నాయని, తదుపరి వివరాలు మరలా ప్రకటించనున్నట్లు తెలిపారు. ప్రస్తుతం సంతోష్ శ్రీనివాస్ రభస ఆడియో రిలీజు, సినిమా పోస్టు ప్రొడక్షన్ పనుల్లో బిజీగా వున్నారు.