English | Telugu
ఆస్కార్ అవార్డులలో కొత్త కేటగిరి..ఆర్ఆర్ఆర్ కి మరోసారి దక్కిన గౌరవం
Updated : Apr 11, 2025
ప్రపంచ ప్రతిష్టాత్మక సినీ అవార్డు 'ఆస్కార్'(oscar)కి ఉన్న ప్రత్యేకత అందరకి తెలిసిందే.వరల్డ్ సినీనటులు,మేకర్స్,టెక్నీషియన్స్ ఇలా ప్రతి ఒక్కరు తమ సినీ జీవితంలో ఒక్కసారైనా 'ఆస్కార్'ని అందుకోవాలని పరితపిస్తుంటారు.అంతటి ప్రత్యేకత ఉన్న ఆస్కార్ ఇప్పటి వరకు ఎన్నో విభాగాల్లో ఆస్కార్ ని ప్రకటిస్తు వస్తుంది.ఈ క్రమంలోనే స్టంట్ డిజైన్ అనే మరో విభాగాన్ని తన క్యాటగిరిలోకి చేర్చింది.
ఈ విషయాన్నీ అధికారకంగా తెలుపుతు స్టంట్,డిజైన్,ఆస్కార్ పేరుతో ఒక పోస్టర్ రిలీజ్ చేసారు.అందులో ఎవ్రీథింగ్ ఎవ్రీ వేర్ ఆల్ఎట్ వన్స్,మిషన్ ఇంపాజబుల్,ఆర్ఆర్ఆర్(RRR)వంటి మూడు చిత్రాలకి సంబంధించిన స్టంట్ ఇమేజెస్ ని పోస్టర్ లో ఉంచింది.దీంతో సోషల్ మీడియాలో ఈ పోస్టర్ వైరల్ గా మారడంతో పాటుగా ఆస్కార్ కమిటీ తమ అవార్డ్స్ పబ్లిసిటీ కోసం ఆర్ఆర్ఆర్ ని ఉపయోగించుకోవడం ఇండియన్ సినిమాకి గర్వంగా నిలిచిందంటు కామెంట్స్ చేస్తున్నారు
తాము తీసుకున్న నిర్ణయంపై ఆస్కార్ ప్రతినిధులు స్పందిస్తు చిత్ర నిర్మాణంలో స్టంట్ డిజైన్ ఒక భాగంగా మారింది.ఈ విషయం మూవీ ప్రారంభమైన దగ్గర్నుంచే అర్దమవుతుంది.ఆ విభాగానికి చెందిన సృజనాత్మక కళాకారులని గౌరవించడం మాకెంతో ఆనందంగా ఉందంటు ట్వీట్ చేసింది.2027 నుంచి విడుదలైన చిత్రాలకి స్టంట్ డిజైన్ అవార్డ్స్ ని ఇవ్వనున్నారు.నాటునాటు పాటకి ఆర్ఆర్ఆర్ ఉత్తమ ఒరిజినల్ సాంగ్ కేటగిరిలో ఆస్కార్ ని అందుకున్న విషయం తెలిసిందే.