English | Telugu
చిరు కథతో నారాయణమూర్తి సినిమా??
Updated : Mar 2, 2015
ఆర్.నారాయణమూర్తి ఇటీవల ఫిల్మ్ఛాంబర్లో ఓ పేరు రిజిస్టర్ చేయించారు. ఆ టైటిల్ ఇప్పుడు సంచలనం సృష్టిస్తోంది. టాక్ ఆఫ్ ది టౌన్గా మారింది. అదేంటో తెలుసా...??? ఉయ్యాలవాడ నరసింహారెడ్డి. ఈ పేరు వినగానే చింజీవి అభిమానులు కలవరపడతారు. ఎందుకంటే చిరంజీవి 150వ సినిమాగురించి ఎప్పుడు ప్రస్తావనకు వచ్చినా ఈ టైటిల్ వినిపించేది. ఈ స్వాతంత్య్ర సమరయోధుడి జీవితాన్ని పరుచూరి బ్రదర్స్ చిరంజీవి కోసం స్ర్కిప్టుగా మలిచారు. చిరంజీవి కూడా ఈ సినిమాని చేయాలని ఉత్సాహం చూపించారు. ఆ తరవాత ఎందుకనో ఈ ప్రాజెక్టు పట్టాలెక్కలేదు. చిరంజీవి పూర్తి వినోదాత్మక చిత్రం వైపు దృష్టి మరల్చడంతో ఈ స్ర్కిప్టుని పూర్తిగా పక్కన పెట్టేశారు. ఇప్పుడు ఈ కథతో ఆర్.నారాయణ మూర్తి ఓ సినిమా చేయబోతున్నారని టాక్. త్వరలోనే ఆయన ఈ సినిమాని ప్రారంభిస్తారని తెలుస్తోంది. మొత్తానికి చిరు టైటిల్ ఈ విధంగా ఉపయోగపడుతోందన్నమాట.