English | Telugu
ముమైత్.. 22 రోజుల్లో ఏం చేస్తుంది?
Updated : Sep 8, 2015
టాప్ హీరోయిన్ ల సంగతి ఏమో కానీ ఒక మోస్తారు హీరోయిన్ లు అయితే ఒకటి రెండు సినిమాలు తీసి బిస్తరు సర్దేస్తారు. కాని ఏదో ఒక రకంగా జనాల నోళ్లలో నానడానికి మాత్రం అప్పుడప్పుడు మీడియాలో వివాదాస్పద వ్యాఖ్యలు చేయడమే ఇక వాళ్లు ఏదనుకుంటే అది చేస్తారు. ఇప్పుడు అదే తరహాలో ఐటెం క్వీన్ ముమైత్ ఖాన్ ఓ ప్లాన్ వేసిందట.
పోకిరి సినిమాలో ఇప్పటికింకా నా వయసు నిండా పదహారే పాటతో ఒక్కసారిగా ఐటెం క్వీన్ గా మారిపోయిన ముమైత్ ఖాన్ తరువాత చాలా కాలం తన ఐటెం పాటలతో టాలీవుడ్ ను ఏలింది. అయితే ఇప్పుడు కాస్త అమ్మడు జోరు తగ్గిందనే చెప్పుకోవచ్చు. చేతిలో సినిమాలు లేక ఖాళీగానే సమయాన్ని టైమ్ పాస్ చేస్తోంది. కానీ మరీ ఇలానే ఉంటే అందరూ తనని మర్చిపోతారని అనుకుందేమో ఈ భామ ఓ రోడ్ ట్రిప్ ప్లాన్ చేసింది. 22రోజుల పాటు సాగే ఈ ట్రిప్ లో మొత్తం 1000 మైళ్లు ప్రయాణిస్తుందట. అంతేకాదు మ్యూజిక్ డ్యాన్సింగ్ ఎంటర్ టైన్ మెంట్ ఇలా దారిపొడవునా ఎంతో హుషారుగా ఉంటుందని కూడా చెప్పుకొస్తుంది. మధ్యలో మ్యూజిక్ ఫెస్టివల్స్ లో స్నేహితుల్ని కూడా కలుస్తుందట ముమైత్. మొత్తానికి కూటి కోసం కోటి విద్యలు అన్నట్టు మరి ముమైత్ ప్లాన్ వర్కవుట్ అవుతుందా.. చూద్దాం..