English | Telugu
మోహన్ లాల్ రేర్ ఫీట్.. ఒకే నెలలో ఇండస్ట్రీ హిట్, బ్లాక్ బస్టర్!
Updated : May 1, 2025
నెల రోజుల వ్యవధిలో ఒక ఇండస్ట్రీ హిట్ ని, ఒక బ్లాక్ బస్టర్ ని సొంతం చేసుకోవడం సాధారణ విషయం కాదు. అందునా ఒక సీనియర్ హీరో ఈ ఫీట్ ని సాధించడం అనేది నిజంగా గొప్ప విషయం. తాజాగా మలయాళ స్టార్ మోహన్ లాల్ (Mohanlal) అలాంటి ఫీట్ నే సాధించారు.
'లూసిఫర్'కి సీక్వెల్ గా మోహన్ లాల్ నటించిన 'ఎల్2: ఎంపురాన్' ఈ ఏడాది మార్చి 27న విడుదలైంది. వరల్డ్ వైడ్ గా రూ.260 కోట్లకు పైగా గ్రాస్ రాబట్టిన ఈ మూవీ మలయాళ ఇండస్ట్రీ హిట్ గా నిలిచింది. 'లూసిఫర్-2' విడుదలైన నాలుగు వారాలకు అంటే ఏప్రిల్ 25న 'తుడరుమ్'తో ప్రేక్షకుల ముందుకు వచ్చాడు మోహన్ లాల్. ఈ చిత్రం కూడా విజయవంతంగా ప్రదర్శితమవుతోంది. ఆరు రోజుల్లోనే ప్రపంచవ్యాప్తంగా రూ.100 కోట్లకు పైగా గ్రాస్ రాబట్టింది. ఫుల్ రన్ లో రూ.150 కోట్లకు పైగా గ్రాస్ రాబట్టే అవకాశం కనిపిస్తోంది. (Thudarum)
'తుడరుమ్'కి తరుణ్ మూర్తి దర్శకుడు. ఈ క్రైమ్ థ్రిల్లర్ రాజపుత్ర విజువల్ మీడియా బ్యానర్ లో రూపొందింది. 'లూసిఫర్-2' తర్వాత పెద్దగా హడావుడి థియేటర్లలో అడుగుపెట్టిన ఈ సినిమా.. సంచలన వసూళ్లతో సర్ ప్రైజ్ చేస్తోంది.