English | Telugu
మోహన్ లాల్ కి కేంద్ర ప్రభుత్వం గుడ్ న్యూస్.. ఆనందంలో అభిమానులు
Updated : Sep 20, 2025
దక్షిణ భారతీయ సినీ ప్రేమికులకి పరిచయం అక్కర్లేని పేరు 'మోహన్ లాల్'(Mohanlal).నాలుగున్నర దశాబ్దాల క్రితం సినీ రంగ ప్రవేశం చేసి, మొన్న 'ఆగస్టు 'లో వచ్చిన 'హృదయపూర్వం' వరకు తన హవాని కొనసాగిస్తు వస్తున్నాడు. ఏ క్యారక్టర్ లో అయినా ఒదిగిపోయి నటించే మోహన్ లాల్ కి మలయాళ చిత్ర పరిశ్రమ తో పాటు వివిధ భాషల్లో ఎంతో మంది అభిమానులు ఉన్నారు.
రీసెంట్ గా మోహన్ లాల్ కి కేంద్ర ప్రభుత్వం 2023 వ సంవత్సరానికి సంబంధించి అత్యంత ప్రతిష్టాత్మకమైన 'దాదాసాహెబ్ ఫాల్కే'(Dadasaheb Phalke)అవార్డుని ప్రకటించింది. ఈ నెల 23 న రాష్ట్రపతి చేతుల మీదుగా అవార్డుని అందుకోనున్నాడు. దీంతో అభిమానుల్లో సందడి వాతావరణం నెలకొని ఉండగా, గతంలో మోహన్లాల్కి పద్మశ్రీ, పద్మభూషన్ అవార్డులు వచ్చిన విషయం తెలిసిందే. 'దాదాసాహెబ్ ఫాల్కే' అవార్డు ని భారత ప్రభుత్వం 1969 వ సంవత్సరంలో ప్రవేశ పెట్టి కళా రంగంలో సుదీర్ఘ కాలం నుంచి విశేష సేవలందిస్తున్న వారికి ఇస్తు వస్తుంది. కళాకారులు ఆ అవార్డుని అందుకోవడం ఎంతో గౌరవంగా భావిస్తారు.
మోహన్ లాల్ ఇప్పటి వరకు సుమారు 350 చిత్రాల వరకు సిల్వర్ స్క్రీన్ పై కనపడ్డాడు. ప్రస్తుతం భభభ, వృషభం, దృశ్యం పార్ట్ 3 వంటి చిత్రాలు చేస్తున్నాడు.మలయాళంతో సహా ఐదు భాషలకి చెందిన చిత్రాల్లో నటించిన రికార్డు మోహన్లాల్ సొంతం.