English | Telugu
కీర్తి సురేష్ పొలిటికల్ ఎంట్రీ.. ఏ పార్టీనో తెలుసా..?
Updated : Jul 9, 2025
సినిమాలకు, రాజకీయాలకు విడదీయరాని అనుబంధం ఉంది. ఎందరో సినీ స్టార్స్ రాజకీయాల్లో తమదైన ముద్ర వేశారు. ప్రస్తుతం పవన్ కళ్యాణ్ వంటి స్టార్స్ రాజకీయాల్లో రాణిస్తున్నారు. ఇదే బాటలో కీర్తి సురేష్ కూడా పయనించనుందా? అనే చర్చ జరుగుతోంది.
ఇటీవల ఓ ఈవెంట్ కోసం కీర్తి సురేష్ మధురై వెళ్ళగా.. అక్కడి అభిమానులు "టీవీకే టీవీకే" అంటూ నినాదాలు చేశారు. టీవీకే అనేది దళపతి విజయ్ స్థాపించిన పార్టీ పేరు. కీర్తికి, విజయ్ కి మధ్య మంచి అనుబంధం ఉంది. ఇద్దరు కలిసి సినిమాలు చేశారు. అలాగే కీర్తి పెళ్ళికి విజయ్ హాజరయ్యాడు. అందుకే కీర్తి టీవీకే పార్టీలో చేరితే బాగుంటుందని ఫ్యాన్స్ ఆ విధంగా నినాదాలు చేశారు. అయితే ఆ నినాదాలు ఇబ్బందిగా అనిపించినా లేదా పాలిటిక్స్ లోకి రావడం ఇష్టంలేకపోయినా.. ఆ సమయంలో అసహనం వ్యక్తం చేయడం సహజం. కానీ, కీర్తి నుంచి అసహనం వ్యక్తం కాలేదు. దాంతో ఆమెకు పాలిటిక్స్ ఆసక్తిగా ఉన్నట్లుందని, త్వరలో విజయ్ పార్టీలో చేరినా ఆశ్చర్యంలేదు అంటూ చర్చలు జరుగుతున్నాయి. మరి కీర్తి సురేష్ నిజంగానే పొలిటికల్ ఎంట్రీ ఇస్తుందేమో చూడాలి.
సినిమాల విషయానికొస్తే.. ఇటీవల కీర్తి సురేష్ 'ఉప్పు కప్పురంబు' అనే ఓటీటీ ఫిల్మ్ తో ప్రేక్షకులను పలకరించింది. అలాగే తమిళ్ లో 'రివాల్వర్ రీటా', 'కన్నివేది' అనే సినిమాలు చేస్తోంది.