English | Telugu
K Ramp Teaser: కామెడీ అంటే బూతు డైలాగులేనా..?
Updated : Sep 19, 2025
కిరణ్ అబ్బవరం హీరోగా జైన్స్ నాని దర్శకత్వంలో హాస్య మూవీస్ నిర్మిస్తున్న చిత్రం 'కె-ర్యాంప్'. ఈ రొమాంటిక్ ఎంటర్టైనర్ అక్టోబర్ 18న ప్రేక్షకుల ముందుకు రానుంది. తాజాగా ఈ మూవీ టీజర్ ను విడుదల చేశారు మేకర్స్. టీజర్ ఎంటర్టైనింగ్ గా బాగానే ఉన్నప్పటికీ.. కొందరు మాత్రం అసహనం వ్యక్తం చేస్తున్నారు. (K Ramp Teaser)
లిప్ కిస్ లు, బూతు డైలాగులు ఉంటే యూత్ ఎట్రాక్ట్ అయిపోయి.. థియేటర్లకు వచ్చేస్తారనే భ్రమల్లో కొందరు మేకర్స్ ఉంటారు. అదే కోవలో 'కె-ర్యాంప్' టీజర్ ఉందనే అభిప్రాయాలు వ్యక్తమవుతున్నాయి. టీజర్ లో హీరో ఎంట్రీనే బూతు డైలాగుతో ఉంది. ఇది కాకుండా మరో రెండు మూడు డబుల్ మీనింగ్ డైలాగులు కూడా ఉన్నాయి. నిజానికి టీజర్ సరదాగా బాగానే ఉంది.. కానీ, ఈ బోల్డ్ డైలాగుల వల్ల.. కొందరి నుంచి నెగటివ్ కామెంట్స్ వస్తున్నాయి.
ఇటీవల రెండు కోట్ల బడ్జెట్ తో రూపొందిన 'లిటిల్ హార్ట్స్' అనే చిన్న సినిమా ఏకంగా రూ.30 కోట్లకు పైగా గ్రాస్ రాబట్టి అందరినీ సర్ ప్రైజ్ చేసింది. అది కూడా రొమాంటిక్ కామెడీ సినిమానే. అలా అని ఘాటు రొమాన్స్, బోల్డ్ డైలాగ్స్ జోలికి వాళ్ళు పోలేదు. యూత్ తో పాటు, ఫ్యామిలీ ఆడియన్స్ కూడా చూసేలా సినిమాని మలిచారు. కాబట్టి లిప్ కిస్ లు, బోల్డ్ డైలాగ్స్ ఉంటే యూత్ ఎట్రాక్ట్ అవుతారు అనుకోకుండా.. 'లిటిల్ హార్ట్స్' తరహాలో కంటెంట్ మీద ఫోకస్ చేసి, హెల్తీ కామెడీతో నవ్వించే ప్రయత్నం చేయాలనే కామెంట్స్ వినిపిస్తున్నాయి.