ఎన్టీఆర్ `జ‌న‌తా గ్యారేజ్‌` విడుద‌ల‌కు రెడీ అయ్యింది. అనుకొన్న దానికంటే ఓరోజు ముందే జ‌న‌తా గ్యారేజ్ ప్రేక్ష‌కుల ముందుకు వ‌స్తోంది. ఈ సినిమా సెన్సార్ కూడా పూర్త‌య్యింది. సెన్సార్ వాళ్లు ఈ చిత్రానికి యు బై ఏ స‌ర్టిఫికెట్ ఇచ్చింది. మ‌రి ఈ సినిమా ఎలా ఉంది?  సెన్సార్ వాళ్ల రివ్యూ ఏమిటి?

*  కాన్సెప్ట్‌లో కొత్త‌ద‌నం లేక‌పోయినా... కొర‌టాల శివ దాన్ని కొత్త‌గా మ‌లిచే ప్ర‌య‌త్నం చేశాడ‌ట‌.

* ఎన్టీఆర్ లుక్‌.. ఫుల్ మాసీగా ఉంద‌ని, ఒక‌ట్రెండు పాట‌ల్లో ఎన్టీఆర్ డాన్సులు అదిరిపోయాయ‌ని టాక్‌.

* మోహ‌న్‌లాల్ పాత్ర ప‌వ‌ర్‌ఫుల్ గా సాగిపోయింద‌ట‌. ఒక ద‌శ‌లో ఎన్టీఆర్ కంటే మోహ‌న్ లాల్ పాత్రే ఎక్కువ ప‌వ‌ర్‌ఫుల్ అనిపించేంత రేంజులో ఉంద‌ని తెలుస్తోంది.

* ఇంట్ర‌వెల్ ఎపిసోడ్‌కి ముందు ఓ 20 నిమిషాలు సింప్లీ సూప‌ర్బ్ అని తేలింది. ఇంట్ర‌వెల్ బ్యాంగ్ కాస్త సాదాసీదాగానే ఉంద‌ట‌.

* నిత్య‌మీన‌న్ పాత్ర‌కు అంత సీన్ లేద‌ని, క్యారెక్ట‌ర్ ఆర్టిస్టు త‌ర‌హా పాత్ర అన్న‌ది సెన్సార్ వ‌ర్గాల మాట‌. స‌మంత మాత్రం ఓ పాట‌లో చిన్ని చిన్ని డ్ర‌స్సులేసుకొని గ్లామ‌ర్ షో చేసింద‌ట‌.

* సినిమా అంతా సీరియ‌స్ మోడ్‌లో సాగింద‌ని, ఎంట‌ర్ టైన్‌మెంట్‌కు స్కోప్ లేద‌ని తేలింది.

* ఆర్‌.ఆర్‌తో దేవిశ్రీ ప్ర‌సాద్ అల‌రించాడ‌ని, సినిమా స్థాయిని అమాంతం పెంచేశాడ‌ని చెప్పుకొంటున్నారు.

* ఎన్టీఆర్ మోహ‌న్‌లాల్ పాత్ర‌లే కాదు.. అజ‌య్‌, బ్ర‌హ్మాజీ క్యారెక్ట‌ర్లూ బాగా వ‌చ్చాయ‌ట‌.

* సెకండాఫ్ బాగా స్లో అయ్యింద‌ని, అయితే క్లైమాక్స్‌లో మ‌ళ్లీ కొర‌టాల అందుకొన్నాడ‌ని స‌మాచారం.

* సెన్సార్ వాళ్ల రిపోర్ట్ చూస్తుంటే ఈసినిమా సూప‌ర్ హిట్ అవ్వ‌డం ఖాయం అనిపిస్తోంది.