English | Telugu
హనీమూన్ తో ఆ కోరిక తీరింది - అమలాపాల్
Updated : Jun 28, 2014
అలా పరిశ్రమకు వచ్చి, ఇలా చక్కటి అవకాశాలు దక్కించుకొని తెరపై తళుక్కున మెరిసి తర్వాత టపీమని మాయమైంది అమలాపాల్ . ఈ నెల 12 నే దర్శకుడు విజయ్ ని వివాహం చేసుకుంది. పెళ్లి ఎప్పుడెప్పుడా అని కలవరించిన అమలాపాల్ తన వివాహానికి సంబంధించిన ప్రతివిషయాన్ని సోషల్ మీడియా ద్వారా షేర్ చేసుకుంటూ వస్తోంది. వివాహ అనంతరం హనీమూన్ ఫోటోలు కూడా షేర్ చేసుకుంది. అవి చూసి కొంతమంది వెగటు కామెంట్లు పెట్టే సరికి ఆ ఫోటోలు వెనక్కు తీసుకుంది.
పెళ్లైన తర్వాత అమ్మాయిలు చాలా మారిపోతారు. ఈ విషయం వాళ్లకు తెలియకుండానే జరిగిపోతుంది. అదే విషయం అమలాపాల్ కూడా చెప్తోంది. పెళ్లి మహిళను పూర్తిగా మార్చేసుంది, స్త్రీ తన లోని సామర్థ్యాలను కనిపెట్టుకోగలుదు అంటూ చాలా విషయాలు గడగడా చెప్తోంది. ఇంతకీ ఇంత జ్ఞానం ఆమెకు కలగడానికి వెనుక వున్న సంఘటన గురించి చెప్పాలి. స్కూబా డైవింగ్ అంటే తనకు ఎప్పటి నుంచో ఇష్టమట. అయినా ఇప్పటి వరకూ ట్రై చేయని అమలా భర్త సహకారంతో ఆ పని చేసిందట. అలా జీవితంలో తీరదనుకున్న ఆ కోరిక పెళ్లయ్యాక హనీమూన్ లో తీరిందట. అదండి ఈ జ్ఞానం వెనుక వున్న కథ.