అల్లు అర్జున్(Allu Arjun)సుకుమార్(Sukumar)కాంబోలో వచ్చిన ఫస్ట్ మూవీ ఆర్య(Arya). లవ్ అండ్ యాక్షన్ నేపథ్యంలో తెరకెక్కిన ఈ మూవీ మంచి విజయాన్ని అందుకోవడమే కాకుండా ఆ ఇద్దరి కెరీర్ కి మంచి స్టార్ డమ్ ని తెచ్చిపెట్టింది. ఈ చిత్రాన్ని శ్రీ వెంకటేశ్వర క్రియేషన్స్ పతాకంపై దిల్ రాజు(Dil Raju)నిర్మించగా అనురాధ మెహతా,శివబాలాజీ ఇతర ముఖ్య పాత్రలు పోషించారు. దేవి శ్రీ ప్రసాద్ సంగీత సారధ్యంలో వచ్చిన సాంగ్స్ అన్ని సూపర్ హిట్ గా నిలిచాయి.

దిల్ రాజు ఈ నెల 4 న నితిన్(Nithiin)హీరోగా తెరకెక్కిన తమ్ముడు(Thammudu)మూవీతో ప్రేక్షకుల ముందుకు రాబోతున్నాడు. దీంతో ప్రమోషన్స్ చాలా వేగంగా జరుగుతున్నాయి. ఈ సందర్భంగా జరిగిన ఒక ఇంటర్వ్యూ లో దిల్ రాజు మాట్లాడుతు 'నా బ్యానర్ లో మొదటి సారి చేసిన చాలా మంది దర్శకులు రిపీట్ అయ్యారు. కానీ సుకుమార్ నా కాంబో మళ్ళీ రిపీట్ కాలేదు. నిజానికి సుకుమార్ ఆర్య మూవీ తర్వాత చేసిన 'జగడం'(Jagadam)మూవీని నా బ్యానర్ లో అల్లు అర్జున్ తోనే అనుకున్నాం. సబ్జెట్ పై చర్చలు జరిగాయి. కానీ అల్లు అర్జున్ కి నాకు స్క్రిప్ట్ కనెక్ట్ కాలేదు. సుకుమార్ అండ్ టీం మాత్రం సబ్జెట్ సూపర్ గా ఉందని వేరే వాళ్ళతో చేస్తామని చెప్పారు. అలా జగడం చెయ్యడం కుదరలేదని దిల్ రాజు చెప్పుకొచ్చాడు.

జగడం మూవీని 'రామ్ పోతినేని'(Ram Pothineni)హీరోగా ఆదిత్య మూవీస్ పతాకంపై ఆదిత్య బాబు నిర్మించడం జరిగింది.ఇషా సహానీ హీరోయిన్ గా నటించగా ప్రకాష్ రాజ్, ప్రదీప్ రావత్ ఇతర పాత్రల్లో కనిపించారు.దేవి శ్రీ ప్రసాద్ సంగీతాన్ని అందించగా 2007 లో ఈ మూవీ ప్రేక్షకుల ముందుకు వచ్చింది. ఇటీవల దివంగతుడైన ప్రముఖ దర్శకుడు కె ఎస్ రవి కుమార్ చౌదరి(Ks Ravikumar Chowdary)ఈ మూవీలో లడ్డు అనే క్యారక్టర్ లో కనిపించడం విశేషం.