గతంలో "బాణం" చిత్రం ద్వారా తెలుగు తెరకు పరిచయమైన యువ హీరో నారా రోహిత్ కుమార్ హీరోగా మంచి పేరు తెచ్చుకున్నా నచ్చిన కథ దొరకక పోవటంతో సంవత్సరన్నర కాలంగా ఖాళీగానే ఉన్నాడు.ప్రస్తుతం యస్.వి.కె.సినిమా పతాకంపై,పరశురాం దర్శకత్వంలో,వంశీ కృష్ణ శ్రీనివాస్ అనే నూతన నిర్మాత నిర్మించబోయే "ప్రొడక్షన్ నం;1"చిత్రంలో రోహిత్ హీరోగా నటించటానికి అంగీకరించారు.ఈ చిత్రం లోగో లాంచింగ్ జనవరి 29 వ తేదీన, హైదరాబాద్ ఫిలిం నగర్ లోకల యఫ్.యన్.సి.సి.(ఫిలిం నగర్ కల్చరల్ సెంటర్)లో,"బృందావనం"ఫేం వంశీ పైడిపల్లి చేతుల మీదుగా ఈ చిత్రం లోగోని ఆవిష్కరింపజేశారు. ఈ చిత్రాన్ని ఫిబ్రవరి 13 వ తేదీన హైదరాబాద్ అన్నపూర్ణ స్టుడియోలో ప్రారంభించి, మార్చ్ 1 నుండి రెగ్యులర్ షుటింగ్ జరిపి,మే నెల చివరి వారంలో కానీ లేదా జూన్ మొదటి వారంలో విడుదల చేస్తామని ఈ చిత్రం యూనిట్ అంది.ఈ చిత్ర దర్శకుడు పరశురామ్ గతంలో "యువత", "ఆంజనేయులు" వంటి చిత్రాలకు దర్శకత్వం వహించారు.ఈ చిత్ర నిర్మాత వంశీ కృష్ణ శ్రీనివాస్ షిప్పింగ్ రంగంలో ఉన్నారు. నిర్మాతగా ఇదే ఆయన తొలి చిత్రం.
