English | Telugu
మీరు కూడా రాజకీయాలు చేస్తే ఎలా.. రమణ దీక్షితులు కు టిటిడి చైర్మన్ కౌంటర్
Updated : Jul 16, 2020
రమణదీక్షితులు ట్విట్టర్ ద్వారా చేసిన ఈ వ్యాఖ్యలను టీటీడీ ఛైర్మన్ వైవీ సుబ్బారెడ్డి తప్పుపట్టారు. టీటీడీ విషయంలో రమణదీక్షితులు రాజకీయాలు చేయడం మంచిది కాదని వైవీ అన్నారు. సీఎం జగన్ రమణ దీక్షితులుని గౌరవ ప్రధాన అర్చకులుగా నియమించారని ఈ సందర్బంగా అయన గుర్తు చేశారు. అర్చకుల భద్రత విషయంలో టీటీడీ అన్ని చర్యలు తీసుకుంటోందని ఆయన తెలిపారు. టీటీడీకి ఆయన ఆగమ సలహాదారుడు కూడా అయిన రమణదీక్షితులుని పిలిచి మాట్లాడమని అధికారులతో చెప్పానని అయన తెలిపారు. ఇక ముందు ఆయన ఏవైనా సలహాలు ఇవ్వాలనుకుంటే గౌరవ టీటీడీ బోర్డుకు ఇవ్వాలని, మీడియా ముఖంగా మాట్లాడటం సరికాదని సుబ్బారెడ్డి స్పష్టం చేసారు.