రష్యా అధ్యక్షుడు వ్లాదిమిర్ పుతిన్ ప్రపంచానికి తీపికబురు చెప్పారు. ప్రపంచంలోనే తొలి కోవిడ్-19 వ్యాక్సిన్ ను అభివృద్ధి చేశామని ప్రకటించారు. వ్యాక్సిన్ కు రష్యా ఆరోగ్య శాఖ ఆమోదం ఇచ్చినట్లు తెలిపారు. ఈ వ్యాక్సిన్ కరోనా వైరస్ను సమర్ధవంతంగా నిరోధించే వ్యాధి నిరోధకతను కలిగి ఉందని పేర్కొన్నారు. కాగా, తన కూతురికి వ్యాక్సిన్ వేయించినట్టు కూడా పుతిన్ వెల్లడించారు. వ్యాక్సిన్ ఇచ్చిన తర్వాత తన కూతురి శరీరంలో స్వల్పంగా ఉష్ణోగ్రతలు పెరిగినట్లు చెప్పారు. కానీ త్వరగానే తన కూతురు సాధారణ స్థాయికి వచ్చినట్లు తెలిపారు. త్వరలోనే ఆ టీకాను భారీ స్థాయిలో ఉత్పత్తి చేయనున్నట్లు పుతిన్ చెప్పారు.
రష్యాకు చెందిన గామలేయా ఇనిస్టిట్యూట్ ఈ వ్యాక్సిన్ను అభివృద్ధి చేసింది. సెప్టెంబర్ నుంచి ఆ టీకాను హెల్త్ వర్కర్లకు తొలుత ఇవ్వనున్నట్లు తెలిపారు. జనవరి నుంచి సాధారణ ప్రజలకు వ్యాక్సిన్ అందుబాటులో ఉంటుందన్నారు.
