English | Telugu
మంత్రి హరీష్ రావుకు థాంక్స్... దుబ్బాక ఓటమిపై కేటీఆర్ రియాక్షన్
Updated : Nov 10, 2020
తాజాగా దుబ్బాక ఓటమి పై మంత్రి కేటీఆర్ స్పందిస్తూ.. ఉప ఎన్నికల్లో ఫలితం తాము ఊహించిన విధంగా రాలేదని అన్నారు. తెలంగాణ వచ్చిన ఆరున్నరేళ్లలో తాము అనేక విజయాలు సాధించామని.. అయితే ఈ తాజా ఫలితం ఒక రకంగా తాము అప్రమత్తంగా కావడానికి ఉపయోగపడుతుందని కేటీఆర్ అన్నారు. ఈ ఫలితంపై పార్టీలో లోతుగా సమీక్షించుకుంటామని అయన అన్నారు. తమ ప్రభుత్వం అభివృద్ధి, సంక్షేమ పథకాల్లో ఎలాంటి తొట్రుపాటు ఉండకుండా ముందుకు వెళతామని కేటీఆర్ అన్నారు. పార్టీ అధ్యక్షుడు కేసీఆర్ సూచనల మేరకు ముందుకు సాగుతామని అయన అన్నారు. ఈ ఉప ఎన్నికల్లో టీఆరెఎస్ కు ఓటు వేసిన 62 వేల మందికి అయన కృతజ్ఞతలు తెలిపారు. ఈ ఉప ఎన్నికల్లో పార్టీ కోసం కష్టపడిన నేతలకు, మరీ ముఖ్యంగా మంత్రి హరీశ్ రావుకు కేటీఆర్ ధన్యవాదాలు తెలిపారు.