English | Telugu
శిల్పాశెట్టి షాకింగ్ కామెంట్స్.. నా భర్త ఏం చేస్తుండేవాడో తెలియదు!
Updated : Sep 16, 2021
పోర్నోగ్రఫీ కేసులో బాలీవుడ్ నటి శిల్పాశెట్టి భర్త రాజ్ కుంద్రా అరెస్ట్ అయిన సంగతి తెలిసిందే. ఈ కేసుకు సంబంధించిన ఛార్జ్ షీట్ లో శిల్పాశెట్టిని కూడా సాక్షిగా చేర్చారు ముంబై పోలీసులు. అయితే, తన భర్త ఏం చేస్తుండేవాడో తనకు తెలియదని శిల్పాశెట్టి చెప్పడం ఆసక్తికరంగా ఉంది.
రాజ్కుంద్రా పోర్న్ వీడియోల కేసులో మొత్తం 1400 పేజీల చార్జ్ షీట్ ను పోలీసులు ఫైల్ చేశారు. ఈ చార్జ్ షీట్ లో శిల్పాశెట్టి స్టేట్మెంట్ ను కూడా పొందుపరిచారు. తాను సినిమాలు, ఇతర వర్క్స్ తో బిజీగా ఉండేదాన్నని.. రాజ్ కుంద్రా ఏం చేస్తుండేవాడో తాను ఎప్పుడూ పట్టించుకోలేదని ఆమె పోలీసులకు తెలిపారు. అంతేకాదు తనకు హాట్ షాట్స్, బాలీఫేమ్ యాప్స్ గురించి కూడా తెలియదని శిల్పాశెట్టి పేర్కొన్నారు.
కాగా పోర్నోగ్రఫీ కేసులో జులై 19న రాజ్కుంద్రాను పోలీసులు అరెస్ట్ చేశారు. అయితే తాము తీసింది పోర్న్ వీడియోలు కాదని వాదిస్తున్న ఆయన.. ఇప్పటికీ బెయిల్ కోసం ప్రయత్నిస్తూనే ఉన్నారు.