సౌత్ లో స్టార్ హీరోయిన్ గా గుర్తింపు తెచ్చుకున్న సమంత.. 'ది ఫ్యామిలీ మ్యాన్-2' వెబ్ సిరీస్ తో హిందీ ప్రేక్షకులకు దగ్గరైంది. ఈ సిరీస్ లో 'రాజీ' అనే పాత్రలో నటించి ప్రశంసలు అందుకుంది సమంత. ఆమె నటనకు విమర్శకుల ప్రశంసలతో పాటు అవార్డులు కూడా దక్కుతున్నాయి. 'ది ఫ్యామిలీ మ్యాన్ 2'లో సమంత పోషించిన రాజీ పాత్రకు తాజాగా ఫిల్మ్ ఫేర్ అవార్డు దక్కింది.

Also Read: సామ్ `య‌శోద‌`లో `క్రాక్` లేడీ విల‌న్!

2021 కి గాను ఫిల్మ్ ఫేర్ తాజాగా ఓటీటీ అవార్డులను ప్రకటించింది. ఇందులో సమంత 'ది ఫ్యామిలీ మ్యాన్ 2' సిరీస్ కు ఉత్తమ నటిగా అవార్డు అందుకుంది. ఈ విషయాన్ని తెలియజేస్తూ అధికారిక ట్విట్టర్ హ్యాండిల్ లో ఫిల్మ్ ఫేర్ ట్వీట్ చేయగా.. 'థ్యాంక్యూ ఫిల్మ్ ఫేర్' అంటూ సమంత రీట్వీట్ చేసింది.

Also Read: మైత్రీకి సామ్ ఫ్యాక్ట‌ర్ మ‌రోసారి ప్ల‌స్స‌య్యేనా!

ఫిల్మ్ ఫేర్ ప్రకటించిన ఓటీటీ అవార్డ్స్ లో 'ది ఫ్యామిలీ మ్యాన్', 'స్కామ్ 1992' సిరీస్ లు పలు అవార్డులను సొంతం చేసుకున్నాయి. 'ది ఫ్యామిలీ మ్యాన్' సిరీస్ ప్రధాన పాత్రలో నటించిన మనోజ్ బాజ్‌పాయ్ కి బెస్ట్ యాక్టర్(క్రిటిక్స్) అవార్డు లభించింది. క్రిటిక్స్ విభాగంలో బెస్ట్ సిరీస్, బెస్ట్ డైరెక్టర్ అవార్డులు 'ది ఫ్యామిలీ మ్యాన్-2' కు వచ్చాయి. ఇక 'స్కామ్ 1992' సిరీస్ బెస్ట్ యాక్టర్, బెస్ట్ సిరీస్ వంటి పలు అవార్డులు సొంతం చేసుకుంది.