స‌రిగ్గా మూడేళ్ల క్రితం షారుక్ ఖాన్ మూవీ 'జీరో'పై య‌శ్ హీరోగా న‌టించిన 'కేజీఎఫ్ చాప్ట‌ర్ 1' హిందీ వెర్ష‌న్ రిలీజ‌య్యింది. ఒక క‌న్న‌డ మూవీ హిందీలో మంచి మార్కెటింగ్‌, ప్ర‌మోష‌న‌ల్ స‌పోర్ట్‌తో విడుద‌ల‌వ‌డం అదే మొద‌టిసారి. ఫ‌స్ట్ డే ఆ సినిమా రూ. 2.10 కోట్ల‌ను వ‌సూలు చేసింది. 50 రోజుల పాటు ఆడిన 'కేజీఎఫ్' హిందీ వెర్ష‌న్ రూ. 43.93 కోట్ల‌ను రాబ‌ట్ట‌డం పెద్ద విశేషంగా ట్రేడ్ వ‌ర్గాలు చెప్పుకున్నాయి. 

Also read: 'పుష్ప' 5వ షోకు అనుమ‌తినిచ్చిన తెలంగాణ ప్ర‌భుత్వం

ఇప్పుడు అల్లు అర్జున్ 'పుష్ప: ది రైజ్' మూవీ హిందీ వెర్ష‌న్ థియేట‌ర్ల‌లో విడుద‌ల‌వుతోంది. బాక్సాఫీస్ ద‌గ్గ‌ర 'కేజీఎఫ్' ఎలా ఆడిందో 'పుష్ప' కూడా అలా ఆడుతుంద‌నే న‌మ్మ‌కాన్ని ఫ్యాన్స్ వ్య‌క్తం చేస్తున్నారు. నిజానికి 'పుష్ప' పాన్ ఇండియా మూవీగా రిలీజ‌వుతోంది. పైగా, 'అల.. వైకుంఠ‌పుర‌ములో' బ్లాక్‌బ‌స్ట‌ర్ హిట్ట‌వ‌డం, ఆ సినిమాలోని సాంగ్స్ పాన్ ఇండియా రేంజ్‌లో పాపుల‌ర్ కావ‌డంతో అందుక‌నుగుణంగా అల్లు అర్జున్ పాపులారిటీ కూడా పెరిగింది. ఆ మూవీ హిందీలో కార్తీక్ ఆర్య‌న్ హీరోగా 'షెహ్‌జాదా' టైటిల్‌తో రీమేడ్ అయ్యింది. ఆశ్చ‌ర్య‌క‌రంగా స‌రైన ప్ర‌మోష‌న్ లేకుండా, 'స్పైడ‌ర్‌మ్యాన్: నో వే హోమ్‌'పై 'పుష్ప' విడుద‌ల‌వుతోంది. 

Also read: స‌మంత‌ సాంగ్ కాంట్ర‌వ‌ర్సీపై రెస్పాండ్ అయిన అల్లు అర్జున్‌!

ఫ‌స్ట్ డే 'పుష్ప' హిందీ వెర్ష‌న్ ఎదుర్కొంటున్న మొద‌టి ఛాలెంజ్‌.. మొద‌టి రోజు (డిసెంబ‌ర్ 17) రూ. 1 కోటి మార్కును దాటడం. ఒక‌వేళ అది రూ. 2 కోట్ల‌ను దాటితే, బాగా వ‌సూలు చేసిన‌ట్లు లెక్క‌. ఆ త‌ర్వాత మౌత్ టాక్ మీద దాని వ‌సూళ్లు ఆధార‌ప‌డ‌నున్నాయి. ఏం జ‌రుగుతుందో చూడాలి.