హిందీనాట దాదాపు ప‌దేళ్ళుగా క‌థానాయిక‌గా అల‌రిస్తోంది టాలెంటెడ్ బ్యూటీ పరిణీతి చోప్రా.  గ్లోబ‌ల్ స్టార్ ప్రియాంకా చోప్రా క‌జిన్ గా బాలీవుడ్ కి ప‌రిచ‌య‌మైనా.. న‌టిగా త‌న‌దైన ముద్ర వేసింది ప‌రిణీతి. కెరీర్ ఆరంభంలో బాగా దూకుడు చూపించిన ఈ అమ్మ‌డు.. క్ర‌మంగా నెమ్మ‌దించింది. అయితే, ఈ మ‌ధ్య మ‌ళ్ళీ వ‌రుస సినిమాల‌తో సంద‌డి చేస్తూ వార్త‌ల్లో నిలుస్తోంది.

మ‌రీ ముఖ్యంగా.. కేవ‌లం 4 వారాల వ్య‌వ‌ధిలో 3 చిత్రాల‌తో ప‌ల‌క‌రిస్తూ టాక్ ఆఫ్ బాలీవుడ్ అయింది మిస్ చోప్రా. ఫిబ్ర‌వ‌రి 26న నెట్ ఫ్లిక్స్ మూవీ `ద గాళ్ ఆన్ ద ట్రైన్`తో ఆక‌ట్టుకున్న ప‌రిణీతి.. ఈ నెల 19న `సందీప్ ఔర్ పింకీ ఫ‌రార్`తో థియేట‌ర్స్ లోకి రానుంది. `ఇష్క్ జాదే`, `న‌మ‌స్తే ఇంగ్లాండ్` త‌రువాత అర్జున్ క‌పూర్ తో ప‌రిణీతి జోడీ క‌ట్టిన ఈ సినిమాపై చెప్పుకోద‌గ్గ అంచ‌నాలే ఉన్నాయి.

ఇక మార్చి 26న బ్యాడ్మింట‌‌న్ ప్లేయ‌ర్ సైనా నెహ్వాల్ జీవితం ఆధారంగా తెర‌కెక్కిన `సైనా`తో ఎంటర్ టైన్ చేయ‌నుంది ప‌రిణీతి చోప్రా. ఈ పాత్ర కోసం ప్ర‌త్యేక శిక్ష‌ణ తీసుకుని మ‌రీ న‌టించింది ఈ టాలెంటెడ్ యాక్ట్ర‌స్.

మ‌రి.. `ద గాళ్ ఆన్ ద ట్రైన్`కి మిక్స్ డ్ రెస్పాన్స్ వ‌చ్చిన నేప‌థ్యంలో.. రాబోయే చిత్రాలు ప‌రిణీతి చోప్రాకి ఎలాంటి గుర్తింపుని తీసుకువ‌స్తాయో చూడాలి.