అంతర్జాతీయంగా
అత్యంత ప్రతిష్టాత్మకమైన
"ఆస్కార్ అవార్డు"
పచ్చిపల్లెటూరి పాట
"నాటు నాటుకు" దక్కడం...
తెలుగు జాతికి గర్వకారణం పర్వదినం

ఔనిది ఆర్ ఆర్ ఆర్ మూవీకి...
దర్శక దిగ్గజం రాజమౌళికి...
సంగీత సామ్రాట్ కీరవాణి...
కూర్చిన సుస్వర సుమధుర సంగీతానికి...

చంద్రబోస్ సాహిత్యానికి...
కాలభైరవ రాహుల్ సిప్లీగంజ్ ల
గంగా ప్రవాహంలాంటి గంధర్వ గానానికి...

స్టైలిష్  స్టెప్పులు కొత్తగా కంపోజ్ చేసిన
కొరియోగ్రాఫర్ ...ప్రేమ్ రక్షిత్ ప్రతిభకు...

ఎంతో ఎనర్జిటిక్ గా
నభూతో న భవిష్యత్
అన్నరీతిలో...
విశ్వమే విస్తుపోయేలా...
పోటీపడి తెలుగు తెర మీద
యువ హీరోలు రామ్ చరణ్
జూనియర్ ఎన్టీఆర్ లు
ప్రదర్శించిన అపూర్వమైన
అద్వితీయ నటనకు...
"కనకాభిషేకం"
పల్లెటూరి పాటకు"పట్టాభిషేకం".
భారతీయ తెలుగు
చలనచిత్ర సీమకు "క్షీరాభిషేకం"