ముఖానికి మాస్కులు చేసుకున్నవారు

మూర్ఖులుకాదు,

వారే ముమ్మాటికి మృత్యుంజయులు

సోపుతో చేతులు శుభ్రం చేసుకునేవారు

సోగ్గాళ్ళుకాదు 

వారే కరోనా కోరలు కొమ్ములు విరిచే వీరులు

ఆరడుగుల భౌతిక దూరాన్ని పాటించేవారు

అజ్ఞానులు కాదు

వారే ఘోర విపత్తునుండి తప్పించుకునే విజ్ఞులు

లాక్ డౌన్ సమయంలో ఇళ్ళళ్ళో బంధీలైనవారు

పంజరంలో చిక్కుకున్న పక్షులు కాదు

వారే కరోనా రాక్షసికి బలికానివారికి ప్రత్యక్ష సాక్షులు

చివరికి సందేశం ఒక్కటే

స్వీయనియంత్రణనే అందరికీ శ్రీరామ రక్ష

నిర్లక్ష్యం వహిస్తే తప్పదు కరోనామరణశిక్ష

ఎదురు పడకూడదు భయపడకూడదు

బెదిరించే కరోనా గుండెల్లో నిదురించాలి

కనిపించక, కరుణించక, కాటికీడ్చే,కరోనాను

కాల్చివెయ్యడానికి, ఖతం చెయ్యడానికి, 

యుద్దం చెయ్యడానికి,సదా సిద్ధంగా వుండాలి