అయ్య బాబోయ్
వచ్చేస్తున్నారట..!
మేకవన్య పులులు...
తేనె పూసిన కత్తులు...
మాటల మాంత్రికులు...
అరచేతుల్లో స్వర్గాన్ని
చూపించే అబద్దాలకోరులు...

ఏమి వస్తేనేమోయ్..?
ఎవరు వస్తేనేమోయ్..?
ఓ ఓటరన్నా..! నీకేటి భయం...

నీ ఆత్మసాక్షిగా...
నీ ఓటే నీ "వజ్రాయుధం"
ఆ ఆయుధాన్ని నీవు ధరించి...
నిర్భయంగా...నిష్పక్షపాతంగా...
నీళ్ళను పాలను వేరుచేసే హంసలా...
నీవు విజ్ఞతతో విచక్షణతో ఓటువేయాలి...
రేపు నీకు పగటిపూటే చుక్కలు చూపించే
ఆ "అడవి పందికొక్కులకు"
ఆ "అవినీతి అనకొండలకు"
నీ "ఓటుతో నీవు చుక్కలు" చూపించాలి...