నేడు నీ చేతికి చిక్కాము...!

అన్నా..! ఓ ఓటరన్నా..!
నీవే మా దేవుడివని...
నీవే మాకు దిక్కని
నిన్న నీ కాళ్ళకు మ్రొక్కాము..!
నేడు నీ చేతికి చిక్కాము..!

అన్నా..! ఓ ఓటరన్నా..!
మా పై దయ ఉంచు..!
జరా జాలి చూపించు..!
మమ్మల్ని కాస్త కరుణించు..!
మా పరువు ప్రతిష్టల్ని కాపాడు..!

అన్నా..! ఓ ఓటరన్నా..!
అభ్యర్థులందరు పూజించే దైవం నీవే
అందరూ కోరేది నీ దయాదాక్షిణ్యాలే...
ఆశించేది నీ కరుణా కటాక్ష వీక్షణాలే....

అన్నా..! ఓ ఓటరన్నా..! రేపు నీవు
ఎవరిని ఎవరెస్టు శిఖరం ఎక్కిస్తావో..?
నీ ఉక్కుపాదం మోపి ఓటు పోటుతో
ఎవరిని అధఃపాతాళానికి త్రొక్కేస్తావో..?
ఎవరికెరుక నీ ఓటనే వజ్రాయుధానికి తప్ప