వద్దు వద్దు...ఉచితాలు వద్దు...సుపరిపాలనే ముద్దు…
ఉచితాలకిఆశపడితే
ఉచ్చులో చిక్కుకున్నట్లే..!
ఉచితాలకు ఆశపడితే
ఊబిలోకి జారిపోయినట్లే..!
ఉచితాలంటూ
ఊకదంపుడు
ఉపన్యాసాలు విని మెడకు
ఉరిత్రాళ్ళు బిగించుకోకండి..!
ఉచితాలన్నవి
ఉరుములు మెరుపులే
కరుణలేని కారుమేఘాలే..!
నేడు ఉచిత బస్సు
రెపు తుస్సు బుస్సు.!
నేడు 5000 పెన్షన్
రేపు వస్తుందో రాదో టెన్షన్..!
నేడు ఉచిత గ్యాస్ బండ
రేపు మననెత్తిన గుదిబండ..!
నేడు ఉచిత కరెంట్ ఒక చీటింగ్
రేపు పన్నుల్తో మనజేబుల్ కటింగ్..!
అందుకే వద్దు వద్దు...మాకు
ఉచితాలు వద్దు...సుపరిపాలనే ముద్దు..!
 |