మణిపూర్ లో
అమాయకుల రక్తం
ఏరులై పారుతుంది...

ఇంటర్ నెట్ బంద్ చేసి
నోటితో చెప్పలేని...
కళ్ళతో చూడలేని...
చెవులతో వినలేని...
ఘోరాతి ఘోరమైన
అతి నీచ...నికృష్ట
అమానవీయమైన
అకృత్యాలకు పాల్పడ్డారు...

నేరం చేసిన వారికన్న
"ప్రోత్సహించినవారే"...
"మౌనంగా మద్దతిచ్చినవారే"...
"నిప్పుకు ఆజ్యం పోసిన వారే"...
"నిజమైన దోషులు"...దేశద్రోహులు"...
మణిపూర్ లో జరిగింది ఎంతటి
"నరమేధమో" మన ఊహలకందదు...

ఎన్ని కుకీ కుటుంబాలు
భయంతో గడగడవణికాయో..?
కాకుల్లా చెల్లాచెదురై ఎన్ని
కారడవుల్లోకి పారిపోయాయో..?
లెక్కింప శక్యమా ఎవరికైనా..? కాదే...

బ్రతికిన వారివి చితికిన బ్రతుకులే ...
అందరూ రెక్కలు విరిగిన పక్షులే....
ఏగుండెను కదిపినా మానని గాయాలే...

ఎవరినీ ఏమీ అనలేని ఏమీ చేయలేని
నిస్సహాయ స్థితే...నిలువెల్లా నిట్టూర్పులే...
కదిలిస్తే ఎవరినైనా కన్నీటి వరదలే...
ఆపన్నహస్తాలకై ఆశతో ఎదురుచూపులే...

వారి ఈదారుణ దుస్థితికి
కారకులైన వారంతా
"కఠిన కారాగార శిక్షకు"
"బహిరంగ ఉరికి అర్హులే "...
మీరేమంటారు మిత్రులారా...