భార్య ఫోన్ గా...
భర్త వైర్ గా...
మారితే ఏమౌతుంది...?

ఫోన్...వైర్... 
ఏకమైతే ఒక లోకమే...
ఒక మాయే ఒక మత్తే...
ఒక మైకమే ఒక స్వర్గమే...
పగలు రాత్రి పసందైన పొందే...
వీనుల విందే చీకటిలో చిందే...

ఫోన్ ...వైర్...
గూటిలో గువ్వల్లా
పెనవేసుకొనిపోతే...
పందిరికి తీగకుమల్లే
అల్లుకుపోతే...ఏమౌతుంది?

ఆ బంధం...మకరందం
ఆ ఆనందం...అనంతం...
ఆ అనురాగం...అపురూపం...
ఆ అనుభవం...అనిర్వచనీయం...
తెగిపోని ఆ ఆలుమగల అనుబంధం...
అమృతం చిలుకును కదా జీవితాంతం...

కానీ ఫోన్...వైర్ వేరైతే...
ఫోన్ కి అనంతమైన స్వేచ్ఛ...
విచ్చలవిడితనం...వీరవిహారం...
ఇద్దరూ ప్రక్కప్రక్కనే ఉన్నా
ఆ ఇద్దరూ ఒంటరివాళ్ళే...
మౌనం ఒక మరణ శిక్షే...
వారు ఖరీదైన కార్లలో
పయనించిన నేమి..?
విలాసవంతమైన
విల్లాలలో శయనించిననేమి..?

వారు నవాబులైనేమి..?
వారు బంధాలలో బంధీలైన
బికారులే...బిక్షగాళ్ళే...
శత్రువులు కాని శత్రువులే....
వారికి సుఖజీవనం శూన్యమే...
ఔరా ఇదెంతటి దౌర్భాగ్యమో..?
నరకయాతనో ఆ ఫోన్ కి ఆ వైర్ కే ఎరుక...