పొంగి పొంగిపోయింది
...ప్రేమ ప్రేమ అనగానే...
తుళ్ళి తుళ్ళి పడింది
...పెళ్లి పెళ్లి అనగానే...

చెంగు చెంగున దూకింది
...చేయి చేయి కలపగానే...
మురిసి మురిసి పోయింది
...ముద్దు ముద్దు అనగానే...

దూరి దూరి పోయింది దుప్పట్లో
...సారీ సారీ అంటూనే...
కరిగి కరిగి పోయింది కౌగిట్లో
...కస్సు బుస్సు మంటూనే...

కళ్ళు తెరిచి చూసింది
...మెల్లగ మెలకువ రాగానే...
ఒళ్ళు విరిచి లేచింది
...తెల్లగ తెలవారగానే...

క్రుంగి క్రుంగిపోయింది
...ప్రేమా గీమా అనగానే...
కుళ్ళి కుళ్ళి ఏడ్చింది
...పెళ్లీ గిళ్ళీ అనగానే...

అయ్యో ఓ దైవమా !
ఏమిటి ఈ అగ్నిపరీక్ష...
నాకే ఎందుకీ శిలువశిక్ష...

నిన్న నేను దేవతనట...
నేడొనొక దయ్యాన్నట...
నిన్న నా ప్రేమ
ఒక తేనెచుక్కట...
నేడది విషపుచుక్కట...

నిన్న...నా ప్రియుడు
ఒక రాముడు ఒక రక్షకుడు
కానీ నేడు...వాడొక రావణుడు
ప్రేయసి రక్తాన్ని త్రాగే రాక్షసుడు...ఔను
ఇది ఒక అమాయకపు ఆడపిల్ల ఆక్రందన