మనకు జన్మనిచ్చినోడే
సుఖదుఃఖాలనిచ్చాడు
మనల్ని సంసారబంధాల
సంకెళ్లలో బంధించినోడే
మన శరీరాన్ని......ఇంద్రియాలకు
మన మనసును...కర్మలకంటగట్టాడు

మనం మనసా...వాచా...కర్మణా
ఆచరించే కర్మలకు...మనమే కర్తలం
ఆ కర్మ ఫలాలకు.....మనమే భోక్తలం
ఈ సంసారవృక్షానికి కాసే ఫలం మోక్షం

ఆ ఫలాన్ని ప్రేమతో ప్రసాదించే...
అదృశ్యంగా అన్నింటిని శాసించే...
సర్వ కర్మ ఫల మోక్షప్రదాత ఎవరు?
సర్వాంతర్యామియైన ఆ పరమేశ్వరుడే

ఇంతటి గొప్ప
ప్రపంచాన్ని నిర్మించి...
ప్రకృతి శక్తులన్నిటిని శాసించి...
జీవకోటికి పంచభూతాలనందించి...
మన కర్మలకు సాక్షిభూతుడుగా
ఆ కర్మల ఆచరణకు మనల్ని
స్వతంత్రుల్ని చేసినందుకు సదా మనం
ఆ పరమేశ్వరునికి కృతజ్ఞులమౌదాం..!