ఆదిమానవ కాలంలో

జ్ఞానం విజ్ఞానం 

విస్తరించని చీకటి రోజుల్లో...

కరుడుగట్టిన

మతఛాందసవాదులు 

కొందరు సృష్టించినవే

ఈ దేవుళ్ళు...

ఈ దెయ్యాలు...

ఈ ముక్కోటి దేవతలు...

ఆధిపత్యపోరులో

మతంమత్తులో 

మునిగితేలే రోజుల్లో...

అహంకారులు

పరమ మూర్ఖులు

పరమత సహనంలేని

మతోన్మాదులు 

తమ‌ పొట్టకూటికోసం 

తయారు చేసినవే 

ఈ స్వర్గనరకాలు...

ఈ పాపపుణ్యాలు...

ఈ మాయలు మంత్రాలు...

తమ ఉనికి కోసం

తమ ఆధిపత్యం కోసం 

తమకీర్తి ప్రతిష్టల కోసం ‌

కట్టినవే

ఈ దైవమందిరాలు...

ఈ గుళ్ళు గోపురాలు...

ఈ చర్చీలు ఈమసీదులు...

మతోన్మాదులు కొందరు

జరిపిన మతయుద్ధాలలో

ఓడి గెలిచి 

పెట్టినవే 

ఈ నిబంధనలు...

ఈ నియమనిష్టలు...

ఈ ఆచార వ్యవహారాలు...

భక్తి ముక్తి 

ముసుగులో

కల్పించినవే 

ఈ భయాందోళనలు...

ఈ అంధవిశ్వాసాలు...

ఈ మూఢనమ్మకాలు...