విరజాజిలా వికసించిందని మురిసిపోయావు
ముద్దులవర్షంలో తడిసిపోయావు

నిన్న ప్రతి నిమిషం వాడి తలంపే...
వాడికోసం ఎదురు చూపులే...
కళ్ళు మూసినా తెరిచినా వాడి రూపమే...
వాడి పిలుపు కోసమే తపించావు...
గుట్టుచప్పుడు కాకుండా గుమ్మం దాటేశావు...

నిన్న ఇమ్మంటే ఇచ్చావు...ముద్దులు
రమ్మంటే వెళ్ళావు...పార్కుకి హోటల్ కి
సినిమాకి లాడ్చ్ కి ఇచ్చిందంతా పుచ్చుకున్నాడు

నేడు వాడు సెల్ కట్ చేస్తున్నాడంటే...
ముద్దు వద్దంటున్నాడంటే...
మూడుముళ్లకు నో అంటున్నాడంటే...
మునిలా మౌనంగా వున్నాడంటే...
ముళ్ళులా గుచ్చుకుంటున్నాడంటే...
మూడ్ మారిందేమో ప్రేమకు పుల్ స్టాప్ పెట్టాడేమో...

మరిప్పుడేం చెయ్యాలి ?తప్పటడుగులు పడిపోయాయి
తప్పు జరిగిపోయింది ఆత్మహత్య చేసుకోవాలని వెళ్ళావు
భయపడి పాపమెరుగని ఒక పసికందును హత్య చేశావు

నిలదీసి అడిగే ధైర్యం నీకు లేదు కారణం "వన్ సైడ్ లవ్"
నిన్న కన్నవారిని మోసం చేశావు నేడు నీవే మోసపోయావు

ఇలా అమ్మానాన్నలను లెక్కచేయకుండా కామంతో కళ్లు పొరలుకమ్మి కాలుబయట పెట్టిన ఆడపిల్లల జీవితాలన్నీ అగ్నిగుండాలే...సుఖము...శాంతిలేని... సుడిగుండాలే...