ట్యాప్ తిప్పితే నీళ్లొస్తాయి

నిజమే ట్యాంక్ లో - నీళ్లుండాలి

స్విచ్ వేస్తే ఫ్యాన్ తిరుగుతుంది

లైటెలుగుతుంది నిజమే - కరెంటుండాలి

మొండిరోగాలు నయమౌతాయి

నిజమే మరిచిపోక  - మందులేసుకోవాలి

కొత్త కాపురంలో అలకలుండవు

కలతలుండవు - కలహాలుండవు

నిజమే ఆ ఇద్దరూ - కలిసి మెలిసి ఉండాలి

వారిలో ఐక్యత ఉండాలి - సఖ్యత ఉండాలి

పశువులు చిక్కని పాలిస్తాయి

నిజమే పచ్చగడ్డి - వేయాలి అవి మేయాలి

విధిని ఎదిరించవచ్చు విజయం సాధించవచ్చు

నిజమే మన గుండెలో - దమ్ము - ధైర్యముండాలి

ఎట్టి క్లిష్టపరిస్థితులనైనా ఎదుర్కోవచ్చు

నిజమే మనలో అంతులేని ఆత్మవిశ్వాసముండాలి

విద్యార్థులెట్టి పోటీపరీక్షల్లోనైనా విజేతలు కావచ్చు

నిజమేగట్టిగా‌ శ్రద్ధగా ప్రణాళికాబద్ధంగా  - చదివుండాలి

మనం ఎన్ని బాధలనైనా, వ్యాధులనైనా వేదనలనైనా

భరించవచ్చు నిజమే ఆ భగవంతుడు - నిత్యం మనకు తోడుగా నీడగా ఉండాలి