వారు ప్రేమికులు 

పిచ్చి ప్రేమికులు

కళ్ళు పొరలు 

కమ్మి కామంతో

నగ్నంగా ఊరేగుతున్న

భగ్నప్రేమికులు...

రెక్కలు విరిగినా

ఎగురుతున్న ప్రేమపక్షులు...

వారు వాగుతున్నారు  

...ఊగుతున్నారు

త్రాగుతున్నారు 

...చెలరేగుతున్నారు

వారు పందిరల్లె  

...అల్లుకుంటున్నారు

కొంచెం కొంచెం 

...గిల్లుకుంటున్నారు

వారు అందమంతా 

...ఇచ్చుకుంటున్నారు

ఒకరినొకరు అందినదంతా 

...పుచ్చుకుంటున్నారు

ఒకరు విరజాజి పువ్వల్లే 

...విచ్చుకుంటున్నారు

మరొకరు గులాబి ముల్లల్లే 

...గుచ్చుకుంటున్నారు

వారు ఒకరినొకరు 

...ఎత్తుకుంటున్నారు 

హృదయానికి మెత్తగా 

...హత్తుకుంటున్నారు

వారికదే...చివరిరాత్రి...

అందుకే ఈ కాళరాత్రిని

కుషీకుషీగా కసికసిగా

"ఆ రతీమన్మధులకే 

మతిపోయేలా"

అనుభవించాలని 

వారి...ఆఖరి కోరిక 

కళ్ళుపొరలు కమ్మిన

ఆ ప్రేమపక్షులకు

ఈ సభ్యసమాజం వేసింది 

కలలోసైతం ఊహించని కఠిన శిక్ష

కారణం వారు

నీతినియమాలెరుగని నీచులు...

ప్రేమలో పీకల్లోతు ‌మునిగి 

ప్రేమపిచ్చిపట్టి 

తిరుగుతున్న పిశాచులు...

వారు అందరూ అసహ్యించుకునే

అక్రమ సంబంధంలో

ఇరుక్కుపోయిన అంధులు కామాంధులు...