నేడు గాజాఒక అగ్నిగుండం  
నేడు ఇజ్రాయెల్ఒక రావణకాష్టం

ఎటు చూసినా
కురిసేది బాంబుల వర్షమే
ఎటుచూసినా శవాల గుట్టలే
అమాయకపు ప్రజల ఆక్రందనలే
ఎవరికీ కంటిమీద కునుకు లేదు
ఎవరి బ్రతుకులోను
శాంతి సమాధానం లేదు

ఔను శాంతి కపోతాలు
నింగికెగరాలంటే
ప్రజాస్వామ్య పాలన
ప్రభవించాలంటే
ప్రజలు స్వేచ్చా
వాయువుల్ని
పీల్చాలంటే
మానవత్వపు
పరిమళాలు
వెల్లివిరియాలంటే

రాజ్యకాంక్షతో
రెచ్చిపోయే రాజ్యాల
దాష్టీకాలను దౌర్జన్యాలను
అన్యాయాలను అక్రమాలను
కర్కషత్వాన్ని‌ కట్టడి చేయాలే
ముస్కరమూకల్ని ముట్టడి చేయాలె

అత్యంత శక్తివంతమైన
అణుబాంబులున్న అగ్రరాజ్యాలన్నీ
గుడ్లగూబల్లా గుడ్లప్పగించి
చోద్యంచూస్తే ఎలా?
శాంతి ఒప్పందాలకు శ్రీకారం చుట్టాలే

ఆ ఉన్మాదుల
ఆ ఉగ్రవాదుల
ఆ మూర్ఖుల
ఆ ముస్కరుల ముప్పు
మూడవ ప్రపంచ యుద్ధానికి నాంది
కాకమునుపే
నరరూపరాక్షసులకు
ప్రతిరూపాలను
మనుష్యుల ముసుగులో
తిరిగే మానవమృగాలను !

అత్యాధునిక  ఆయుధాలు ధరించి
విధ్వంసం సృష్టించే
యమకింకరులకు భయంకరులకు
రాక్షసులకే రాజ్యాధికారం దక్కితే
ఏపాపమెరుగని అమాయకపు
ప్రజలరక్తం ఏరులై పారడం తధ్యమే
రేపటి రక్తచరిత్రకు అది శ్రీకారమే
రాక్షసులే ...రాజులైతే?
ఇక ప్రజలకు సుఖశాంతులెక్క