వరాహం
తామర పుష్పం...
రెండు బురద ఒడిలోనే...

కానీ సరదాగా
ఆ బురదలో
దొర్లే పొర్లే వరాహం
చూపులకు అసహ్యమే...
కారణం ఒక్కటే...
ఒంటినిండా దుర్గంధమే...

అదే బురదలో పుట్టి
అదే బురదలో పెరిగినా
బురద దుర్గంధం అంటకుండా
వికసించే ఆ లేత తామర పుష్పం
ఎంత అందమైనదో సుందరమైనదో...
కనులకెంత ఆనందమో వర్ణనాతీతం...

పైకి మంచివారిగా
కనిపిస్తూ లోలోపల
అసూయ ద్వేషాలతో...
కుట్రలతో కుతంత్రాలతో...
పగా ప్రతీకారాలతో రగిలిపోయే...
దుర్మార్గులతో దుష్టులతో దోస్తిచేసినా...
కప్పలతో పాములతో కాపురం చేసినా...
ఏ మచ్చలేని స్వచ్చమైన వ్యక్తిత్వమున్న
వ్యక్తి జీవితం వికసించిన తామర పుష్పమే.