నీ కడుపులో
కసి...కల్మషమే ఉంటే
అది "నీ కళ్ళల్లో " కనిపిస్తుంది

నీ మనసులో...
మసి...మలినమే ఉంటే
అది "నీ మాటల్లో " వినిపిస్తుంది

నీ హృదయంలో...
పగా...ప్రతీకారం...
అసూయ...ద్వేషమే ఉంటే
అది "నీ పెదవులపై" ప్రవహిస్తుంది

నీ అంతరంగంలో...
ప్రేమ దయ జాలి కరుణే ఉంటే
అది స్వచ్చమైన
"నీ చిరునవ్వులో " ప్రతిఫలిస్తుంది

నీ ఆలోచనల్లో...
మంచితనం మానవత్వమే ఉంటే
అది "నీ ప్రేమపూర్వకమైన" 
"పలకరింపులో " ప్రతిధ్వనిస్తుంది