నిజంగా...
నిజ్జంగా...
నిస్వార్థమైన
నర్సుల సేవలు
అమోఘమే
అపురూపమే...
అద్వితీయమే...
నిరుపమానమే...

డాక్టర్లు...దేవుళ్ళే...
నర్సులు...దేవతలే...
హాస్పిటల్...
ఒక దైవమందిరమే...
రోదించే రోగులు
భజనలు చేసే భక్తులే...
చెల్లించే బిల్లులు...
హుండీలోవేసే...కానుకలే...

ఆపరేషన్ విజయవంతమైతె
మొండి జబ్బులు నయమైతే...
సంపూర్ణ ఆరోగ్యంతోమనిషి
ఇంటికి తిరిగొస్తే...అదే స్వర్గం...

మనిషి మృత్యుంజయుడై 
తిరిగి ఇంటికి రావాలని
నిద్రాహారాలు మాని నిరీక్షిస్తూ
ఎన్ని పూజలు చేసినా
ఎందరు దేవుళ్ళకు మ్రొక్కినా...

లక్షలు లక్షలు ఖర్చు చేసినా
ప్రాణదాతలెంతగా ప్రయత్నించినా
మాయరోగం మృత్యువుగా మారి
ఇంటికి మనిషి రాలేకపోతేె
అటునుంచి అటే కన్నుమూసి
కాటికెళ్తే...అదే నరకం...