మొన్న...నిగనిగ.....లాడే...
నిన్న.....ధగధగ.....మెరిసే...
నేడు.....భగభగ.....మండే...

మొన్న...కొమ్మల్లో రెమ్మల్లో
ఉయ్యాల జంపాలలూగే...
నిన్న...కోతులై కొండలెక్కి
వెక్కిరించే...నిక్కినిక్కిచూసే ...
నేడు...నింగిలో నీలిమేఘాల్లో
దూరి...తొంగి తొంగి చూసే...

కోటీశ్వరులై కొందరు
రైతులు...పొంగి పొంగి పోయే...
కొనలేక తినలేక మధ్యతరగతి
ప్రజలు...క్రుంగి క్రుంగిపోయే...

మొన్న...వంటచేసే వనితల
గుండెలో మంటగా మారే...
గుండెల్లో గుబులు రేపే...
నిన్న...దొరలకే భారమయ్యే...
మధ్యతరగతికి దూరమయ్యే...
నేడు...రాకెట్లలా అందనంత ఎత్తులో
అంతరిక్షంలోకి దూసుకు పోయే...

మొన్న...పాతాళంలో...
నిన్న.....ఆకాశంలో...
నేడు.....అంతరిక్షంలో...
ఏమిటో ఈ టమోటాల ఇంద్రజాలం..!
మార్కెట్లో దళారుల మాయాజాలం..!
ఎవరికీ ఎన్నటికీ ఎప్పటికీ అర్థం కాదాయే..!

ఇంతకీ
ఈ పాపమెవరిది...?
ప్రభుత్వపాలకులదా..?
ప్రకృతి వైపరీత్యాలదా..?
ఇక మీరే తేల్చండి..!
ఓటును తూటాగా పేల్చండి..!
అసమర్థ పాలనను నేల కూల్చండి..!
బాధ్యులైన అధికారుల భరతం పట్టండి..!